Pompakita 22:6 - Kaili Ledo

⁶ Naupu haitu, nangulimo malaeka pangane ka yaku, “Pura-pura tesa pangane mpuu-mpuu nakana bo namala raparasaya. Alatala nombadekei Nosa GasaNa ka pura-pura nabiNa, haitumo, todeaNa anu nompasimbayu tesa lako nte Ia. Iamo nombatudu malaekaNa tumai mombatuduaka ka topangoseaka Ia anu domo masae majadi.”

Pompakita 22:6 ပူးပေါင်းရင်းမြစ်များ

Matius 13:41

Yaku, Ana nu Manusia mombatudu malaeka-malaekaKu hau nte todea ri PoparentaKu mompasiromu pura-pura tona anu nompakanavu roa riara dosa bo pura-pura tona ntanina anu novia nadaa.

Lukas 1:70

Alatala notesa ka nabi-nabi nipelisiNa nggaulu, bo nijanjiNa

Lukas 16:16

Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Suro-Suro 12:11

Ri sia nanotomo rara i Petrus bo niulina, “Hitupa nisanikumo ledo aga pangipi! Tupu mpuu nombatudu malaekaNa mombakabasaka yaku lako ri kuasa Magau Herodes bo lako ri pura-pura anu rapovia ntoYahudi ka yaku.”

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Roma 1:2

Kareba haitu nijanjiNa nggaulu bo nipopaisaniNa ka nabi-nabiNa. Pura-pura haitu nitulisi riara Buku Gasa.

1 Korintus 14:32

Toramo! Tona nompakule mompasimbayu tesa nitarimana lako nte Alatala, nompakule nombakuasai karona mboto, haitumo ia namala notesa atau menonto notesa nantuntuni dotana mboto.

1 Korintus 7:29

Sampesuvu-sampesuvuku, patujuku ivei: kita topomparasaya kana mantora tempota domo masae. Jadi nompamula sii-sii tona nobereimo nee aga mompekirika bereina.

2 Tesalonika 1:7

bo rakabasakaNa komiu lako ri kasusa nirasaimiu sii-sii, bo ivesia muni kami. RakabasakaNa pura kita tempo i Pue Yesus manau lako ri suruga mosanggani-nggani ante malaeka-malaekaNa nakuasa,

Ibrani 12:9

Kapolana, tuamata ri dunia nombaboba bo nompatuduki kita bo kita nombabila ira bo nekou nte ira. Ane ivesia, natantumo kana meliupa pekouta nte Alatala, Tuamata ri suruga ala kita matuvu mabelo.

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.

Pompakita 18:20

Bo nanguli malaeka, “Umbamo komiu toponturo ri suruga! Pakadambamo raramiu! Pakadambamo raramiu todea nu Alatala mosanggani-nggani ante suro-suroNa bo nabi-nabiNa! Sabana, tupu ngata mbaso Babel nihuku nu Alatalamo! NibalasiNamo pokainggura nadaa nte komiu.”

Pompakita 19:9

Naupu sia, nangulimo malaeka haitu ka yaku, “Tulisimo hitu: Nabelo mpuumo tona nigaga hau ri posusa ponika Ana Bimba.” Bo niulina munimo, “Tesa-tesa hitu lako nte Alatala bo nakana mpuu!”

Pompakita 21:5

Naupu haitu nangulimo Toponturo ri Gadera Kamagaua, “Pariaramo! Sii-sii Yaku nompakabaru pura-pura anu naria.” Bo niuliNa munimo ka yaku, “Tulisimo anu Kutesa, sabana tesa hitu mpuu-mpuu nakana bo namala raparasaya.”

Pompakita 21:9

Naupu haitu nakavamo saito malaeka lako nte ira papitu anu nantipale tubu-tubu niisi ante pitu-ngaya pepandasa kaupuna. Nangulimo ia ka yaku, “Kamaimo, kupopakita ka iko boti mombine anu rapoberei nu Ana Bimba.”

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,

Pompakita 22:16

“Yaku i Yesus, nombatudu malaekaKu hau mompopaisani petevaiKu hitu ka komiu todea topangoseaka Yaku. Yakumo hii muli bo valaa Magau Daud. Yakumo hii betue pompaeo anu nareme.”

Pompakita 22:7

Bo nangulimo i Yesus, “Pariaramo! Domo masae makavamo Yaku. Nabelo mpuumo tona nompariara anu niboto ri buku hitu!”

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”