Pompakita 22:20 - Kaili Ledo

²⁰ Bo i Yesus anu nompasimbayu pura-pura tesa hitu nanguli, “Nakana! Domo masae makavamo Yaku!” Amin! Maranata! Kakavamo, Pue Yesus!

Pompakita 22:20 ပူးပေါင်းရင်းမြစ်များ

Yohanes 21:25

Da nadeapa anu ntanina nipovia i Yesus. Ane rapana ratulisi pura kajadia haitu, nipekiriku dunia hitu ledo masuka rapomboli pura-pura buku ratulisi.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Ibrani 10:37

Sabana riara Buku Gasa nitulisi ivei: “Domo ntoto masae, Ia anu makava haitu, makava mpuumo. Ia ledo mombasoro-soro kakavaNa haitu.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 1:2

Bo yaku, i Yohanes, nompasimbayu pura-pura anu nikitaku, haitumo tesa lako nte Alatala bo anu nipopaisani i Yesus Kristus.

Pompakita 2:16

Jadi Kuuli ka komiu, kajeamo lako ri dosamiu! Ane ledo majea komiu, Yaku masalisa makava nte komiu bo mangeva ira ante guma anu naria ri ngangaKu.

Pompakita 22:10

Bo niulina munimo ka yaku, “Nemo mutabuniaka tesa niboto riara buku hitu, apa domo masae majadi mpuumo.

Pompakita 22:12

Bo nanguli munimo i Yesus, “Pariaramo! Domo masae makavamo Yaku manggeni tambo bo Kubalasi pura-pura tona nangoseaka pokainggura.

Pompakita 22:18

Yaku i Yohanes, nompopainga ka pura-pura topangepe tesa pombaboto nitulisi riara buku hitu ivei: Isema-sema mantambai isi tesa ri buku hitu, Alatala mantambai ka ia pepandasa-pepandasa nitesaki riara buku hitu.

Pompakita 22:7

Bo nangulimo i Yesus, “Pariaramo! Domo masae makavamo Yaku. Nabelo mpuumo tona nompariara anu niboto ri buku hitu!”