Pompakita 21:7 - Kaili Ledo

⁷ Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.

Pompakita 21:7 ပူးပေါင်းရင်းမြစ်များ

Matius 19:29

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Matius 25:21

Nanguli madika, ‘Nabelomo! Komiu batua nabelo, natutu nantui bago anu niparasayaka komiu. Komiu namala niparasaya ante mbara-mbara sakide. Sabana haitu, mbara-mbara nadea kuparasayaka komiu. Kamaimo madamba mosanggani ante yaku.’

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Markus 10:17

Tempo i Yesus mompapola polipaNa, naria saito tona nangova mosinggavaka Ia. Tona haitu nantaputu ri ngayo i Yesus bo nanguli, <>

Roma 8:14

Isema-sema nikeniaka Nosa Gasa nu Alatala, iramo ana-ana nu Alatala.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

2 Korintus 6:18

Niuli muni ri Buku Gasa ivei: “Yaku majadi Tuamamiu bo komiu majadi ana-anaKu. Ivesiamo panguli nTupu anu Neliu KakuasaNa.” 2 Samuel 7:14, 1 Tawarikh 17:13, Yesaya 43:6, Yeremia 31:9

Ibrani 8:10

Tapi iveimo pojanji Kupovia ante toIsrael ri tempo makava: Kuboli atura-aturaKu riara pekirira, bo Kutulisi atura-atura haitu riara ntaira. Yaku majadi Alatala nisombara bo ira majadi todeaKu.

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

Pompakita 2:11

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi ledo ntoto mambela pehuku anu niuli kamatea karongganina.”

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”

Pompakita 2:25

Kingisi pakarosomo pepatuduki anu naria nte komiu sampe Yaku makava mpanjili.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”

Pompakita 21:3

Bo niepeku suara namangga lako ri Gadera Kamagaua nu Alatala haitu nanguli, “Pariaramo! Sii-sii ponturo nu Alatala nosanggani-nggani ante manusia. Ia monturo ri tatangara bo ira majadi todeaNa. Bo Ia mboto mosanggani-nggani ante ira bo majadi Alatala rasombara.