Pompakita 21:23 - Kaili Ledo

²³ Bo ngata haitu ledo paraluu reme nu eo bara reme nu bula, sabana reme lako nte Alatala nompakaremena, bo Ana Bimba najadi poindona.

Pompakita 21:23 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Lukas 2:32

Iamo reme nombavanta rara ntai manusia pura-pura anu dopa nosisani nte Komiu, ala raparasayara Komiu. Bo Iamo sabana todeaMiu toIsrael rabila nu manusia pura-pura.”

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 1:4

Iamo puna katuvua nabelo, bo katuvua nabelo nompakareme pekiri nu manusia.

Yohanes 1:9

Reme haitu reme nakana anu nakava ri dunia mompakareme pura-pura manusia.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Suro-Suro 22:11

Tempo haitu naburomo mataku sabana nivanta reme haitu. Jadi yaku damo ninini nu roaku nolipa hau nesua riara ngata Damsyik.

Pompakita 14:4

Ira haitumo nasimbayu mpo tona ledo sanggani nosampaturu ante mombine, nagasa mpuu pokainggura. Ira nangoseaka Ana Bimba ri umba-umba nikalauNa. Iramo nitoloki lako nte pura-pura manusia ri dunia bo nipatani ka Alatala bo ka Ana Bimba, nasimbayu mpo tona nombadekei asele ntalua pamulana ka Alatala.

Pompakita 18:1

Naupu malaeka pangane notesa, nikitaku saito malaeka ntanina nanau lako ri suruga. Naoge mpuu kuasana, bo lako ri karemena njumangu dunia nareme.

Pompakita 21:11

Ngata haitu nareme mpuu ante kareme nu Alatala mboto. Karemena damo nenggila mpo mata sinji nasuli alina, mpo vatu yaspis anu nevayo mpo kaca.

Pompakita 21:25

Bobaa-bobaa ngata haitu bate-batena natebuka, ledo ntoto nateupi-upi sabana ri ngata haitu ledo ria bongina.

Pompakita 22:5

Domo maria bongina. Tupu ngata haitu domo paraluu poindo bara reme nu eo mombavanta ira, sabana reme lako nte Alatala mbotomo mombavanta ira. Bo ira momparenta mpo magau sampe ri kasae-saena.

Pompakita 5:6

Naupu haitu nikitaku sangu Ana Bimba neangga ri sinjori Gadera Kamagaua bo nipatiku nu ampa Anu Natuvu bo totua-totua gahaitu. Ri karoNa nikitaku bela baka, belana tempo Ia nipatesi nggaulu. Ri balenggaNa naria papitu tanduNa bo mataNa muni pitu-angu. Pitu-angu mataNa haitu, batuana papitu Nosa nu Alatala anu nituduNa hau ri njumangu dunia.

Pompakita 7:17

Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”