Pompakita 20:8 - Kaili Ledo

⁸ bo ia hau mombabagiu tona ri njumangu dunia, haitumo ngata-ngata bo todea-todea niuli Gog bo Magog. Magau nu Seta haitu mompasiromu tona gahaitu mangeva Alatala bo topomparasaya. Kadea ntona rapasiromu mpo bone ri bivi ntalinti, ledo rapakule mombabilana.

Pompakita 20:8 ပူးပေါင်းရင်းမြစ်များ

Ibrani 11:12

Tempo haitu karo i Abraham domo nompakule momuli sabana ia natua ntotomo. Tapi naupa ivesia, nadea mulina, ledo rapakuleta mobila kadeana. Kadeana nasimbayu mpo kadea nu betue ri langi bo bone ri talinti.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 16:14

Ira tatalu haitu nosa nu seta-seta anu novia tanda-tanda nipokumaaka. Ira hau mosinggavaka pura-pura magau ri njumangu dunia bo mompokio ira masiromu meeva ri eo mpepakaviora, haitumo tempo Alatala toNeliu KakuasaNa, mombadagi pura-pura baliNa ri dunia.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 20:3

Nitedakana ule haitu riara lovu anu ledo rapakule mantuvu kandalana haitu. Naupu haitu nigunjina bo nimerena vamba lovu haitu ala ule naga ledo mamala mesuvu mombabagiu manusia sampe magana tempona sanjobu mpae kasaena. Maliu haitu ia kana rakabasaka mpanjili sampalai.

Pompakita 7:1

Naupu haitu, nikitaku ampa malaeka neangga ri pata-njulapa dunia. Ira nombataamaka poiri rimboso lako ri pata-njulapa dunia ala poiri haitu ledo meburu ri tasi bo ri kabatana bo ri kayu-kayu.