Pompakita 20:3 - Kaili Ledo

³ Nitedakana ule haitu riara lovu anu ledo rapakule mantuvu kandalana haitu. Naupu haitu nigunjina bo nimerena vamba lovu haitu ala ule naga ledo mamala mesuvu mombabagiu manusia sampe magana tempona sanjobu mpae kasaena. Maliu haitu ia kana rakabasaka mpanjili sampalai.

Pompakita 20:3 ပူးပေါင်းရင်းမြစ်များ

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 27:66

Jadi hau ira nombamere vatu poupi dayo ala ledo rabuka ntona. Bo nitudura tantara-tantara mombajagai dayo ala ledo maria tona mombabuka dayo haitu.

Markus 4:15

Savua nanavu ri bivi dala, nirapaka tona anu nangepe Tesa nu Alatala, tapi Magau nu Seta nakava nangala tesa dako nesua riara ntaira.

Lukas 8:31

Seta-seta haitu mpuu-mpuu nerapi nte i Yesus, “Nee ratudu kami hau rapandasa nu Alatala ri lovu ledo rapakule mantuvu kandalana!”

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

2 Petrus 3:8

Tapi, sampesuvu-sampesuvu nipotoveku, nee rakalingasimiu tesa hitu: Ri panggita nTupu, sanjobu mpae nasimbayu mpo saeo, bo saeo nasimbayu mpo sanjobu mpae.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 17:2

Magau-magau ri dunia nakava nosipogau nte mombine haitu. Bo mombine haitu nompopainu tona nonturo ri dunia ante uve anggur napai anu nepakalangu. Batuana, ia nompadidi ira nompasiala pokaingguna nadaa bo nabuga.”

Pompakita 17:8

Da nokolu, binata nikitamu haitu da naria natuvu, tapi sii-sii domo naria. Tapi ia meumba mpanjili bara maipia lako riara lovu anu ledo rapakule mantuvu kandalana. Maliu haitu ia rahuku sampe ri kasae-saena. Bo tona natuvu ri dunia anu ledo nitulisi sangara riara Buku Katuvua dopame dunia nipajadi nu Alatala, ira mpuu-mpuu mokumaa manggita binata haitu. Sabana, da nokolu binata haitu natuvu, sii-sii domo naria, tapi meumba mpanjili bara maipia.

Pompakita 20:1

Naupu haitu, nikitaku saito malaeka nanau lako ri suruga. Ri palena naria gunji vamba nu lovu anu ledo rapakule mantuvu kandalana. Bo nitipalena muni sangu rante nambaso.