Pompakita 20:2 - Kaili Ledo

² Nisakana ule naga haitu anu niuli Ule Ntua, atau Topangadu atau Magau nu Seta. Bo ule haitu sanjobu mpaemo kasaena nirantena.

Pompakita 20:2 ပူးပေါင်းရင်းမြစ်များ

Matius 19:29

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Markus 4:15

Savua nanavu ri bivi dala, nirapaka tona anu nangepe Tesa nu Alatala, tapi Magau nu Seta nakava nangala tesa dako nesua riara ntaira.

Markus 5:7

Namangga mpuu ia nongare, <>

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.

Yohanes 16:11

Bo rapakalantoNa muni Alatala mpuu-mpuu mombahuku manusia, apa nihukuNamo Magau nu Seta anu nombakuasai manusia nadaa ri dunia hitu.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

2 Petrus 2:4

Toramo! Alatala ledo nombakabasaka malaeka-malaekaNa mboto lako ri pehuku tempo ira novia dosa, tapi ninavusakaNa ira riara narakaa. Ira nisuaraka riara bolo nalanda bo nirante hamai mompopea tempona ira rahuku ri Eo Potangara bara maipia.

Yudas 1:6

Tora muni malaeka-malaeka nTupu nggaulu. Sanu ira ledo naosa rarara nte kuasa nipakatantu nu Alatala ka ira, sampe nipalaisira ponturora ri suruga. Ira nitarunggu nu Alatala ri ponturo nalanda mpirika bo nipou ante rante anu ledo namala rapudusi. Bo ira ledo rakabasaka sampe makava tempona ira rahuku ri Eo Potangara bara maipia.

Pompakita 12:13

Nisani nu ule nagapa ia nitedaka ri dunia, niraganamo mombine anu dako noanaka ngana langgai pangane.

Pompakita 12:15

Ule naga haitu nombasuparaka uve oge mpo binangga lako ri ngangana hau nombaraga mombine haitu ala mombaavesaka ia.

Pompakita 12:17

Nagigi mpuumo rara nu ule naga haitu nanggita mombine, sampe ia hau mombaeva muli-muli nu mombine haitu ntanina, haitumo tona natutu nangoseaka parenta-parenta nu Alatala bo bate-batena nanggangisi pepatuduki i Yesus.

Pompakita 12:3

Bo neumba munimo tanda ntanina ri langi anu mpuu-mpuu nipokumaaka. Naria sangaya ule mbaso nalei, sangana ule naga. Ule naga haitu nobalengga papitu bo notandu sapulu. Pura-pura balenggana naria songgo magau.

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:2

Binata nikitaku haitu nolenje mpo taveve mbaso niuli tutul, bo kadana mpo kada nu beruang, bo sumbana mpo sumba nu singa. Bo ule naga nombadekei karosona mboto bo gadera kamagauana bo kuasana naoge ka binata haitu.

Pompakita 13:4

Nisombara ule naga sabana ia nombadekei kuasa ka binata nadaa haitu, bo nisombara muni binata nadaa. Niulira, “Ledo ntoto naria kasimbayuna binata hitu! Ledo ria saitoa mabia mangeva ia!”

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 20:7

Ane maupumo sanjobu mpae, Magau nu Seta rakabasaka lako riara ntarungguna ri lovu ndala haitu,

Pompakita 9:11

Naria saito magau najadi pakenira, iamo malaeka anu nakuasa mombabuka vamba lovu anu ledo rapakule mantuvu kandalana haitu. Sangana riara basa Ibrani, i Abadon, bo riara basa Yunani i Apolion. Batuana, Toperopu.