Pompakita 2:9 - Kaili Ledo

⁹ NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

Pompakita 2:9 ပူးပေါင်းရင်းမြစ်များ

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Lukas 12:21

Kaupu tesa haitu i Yesus nanguli, “Ivesiamo majadi nte tona nompasimbuku nompasiromu kakalumana ka karona mboto, tapi katuvuna napakasi ri panggita nu Alatala.”

Lukas 22:65

Nadea muni tesa-tesara nadaa nompongeika Ia.

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Lukas 6:20

I Yesus nangganoto ana-anaguruNa bo niulikaNa, “Nabelo mpuu komiu tona napakasi, sabana komiumo majadi todea riara Poparenta nu Alatala.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

Roma 2:17

Tapi berimbamo komiu? Komiu nompangaku karomiu toYahudi. Komiu nanjarumaka Atura-atura agama Yahudi. Komiu nangoeki posisanimiu nte Alatala.

Roma 5:3

Bo ledo aga haitu, kita nadamba sabana nirasaita kasesa bo kapari, apa nisanita lako ri kasesa bo kapari haitu rarata majadi maroso.

Roma 8:35

Jadi, nuapa mamala mompopogaa kita lako ri tove i Kristus? Natantu ledo ria! Nau kita masusa atau mapari atau rapandasa ntona, nau kita maara mpai atau ledo ntoto ria pakea, nau kita rakava nu susa bara rapatesi, i Kristus bate-batena mompotove kita.

Roma 9:6

Nau nadea toYahudi ledo nomparasaya i Yesus, ledo mamala raulita Alatala ledo nompakadupa pojanjiNa nte toYahudi! Apa ledo pura-pura muli i Israel nipelisi nu Alatala majadi todeaNa.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

2 Korintus 8:2

Nandasa mpuu kasusa bo kapari nirasaira, bo ira mboto napakasi mpai. Tapi naupa ivesia, nelabi kadambara sampe ledo mpuu natove rarara nombadekei ka tona ntanina.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

1 Tesalonika 3:4

Tempo kami da nosanggani-nggani nte komiu bara ipia, niuli kami mamimo kana maria tona mompandasa kita sabana kita nomparasaya i Yesus. Bo nisanimiu ivesia mpuu najadi.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 2:2

NisaniKu pura-pura pokainggumiu. Komiu natutu nokarajaa ka Yaku bo komiu nosabara tempo nipandasa sabana nomparasaya Yaku. NisaniKumo komiu ledo nasituju ante pokainggu ntona nadaa. Tona nompangaku karona suro-suroKu tano ledo nakana, niparesamiu pokainggura sampe nalantomo ira topodava.

Pompakita 2:24

Tapi naria muni komiu toTiatira ledo nangoseaka pepatuduki nadaa haitu bo ledo nadota neguru anu niuli ntona ‘pangisani Magau nu Seta anu nalonto.’ Kuuli ka komiu ivei: Ledo Kutambai parenta-parenta ntanina ka komiu.

Pompakita 3:9

Naria tona najadi todea Magau nu Seta anu nanguli iramo toYahudi, tano mai ledo, aga davara. Tapi epemo! Ira kana Kupopantaputu ri ngayomiu. Bo raulira Yaku mpuu-mpuu nompotove komiu.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.