Pompakita 19:7 - Kaili Ledo

⁷ Kamaimo kita modade ante damba rara. Kamaimo kita mantoiya kaogeNa. Sabana, nakavamo eo ponika Ana Bimba. Boti mombine nasadiamo ranika.

Pompakita 19:7 ပူးပေါင်းရင်းမြစ်များ

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Matius 22:2

“Poparenta nu Alatala nasimbayu nte porapa hitu. Naria saito magau novia posusa poboti ka anana langgai.

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

Efesus 5:23

sabana langgai nombabalenggai bereina mombine nasimbayu mpo i Kristus nombabalenggai todea topomparasaya. I Kristus mboto nompakasalama todea topomparasaya anu nirapaka sipa nu karoNa.

Efesus 5:32

Tesa hitu nakumba batuana, tapi anu nipatujuku ante tesa hitu iamo posinggapara i Kristus ante todeaNa.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 19:9

Naupu sia, nangulimo malaeka haitu ka yaku, “Tulisimo hitu: Nabelo mpuumo tona nigaga hau ri posusa ponika Ana Bimba.” Bo niulina munimo, “Tesa-tesa hitu lako nte Alatala bo nakana mpuu!”

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.

Pompakita 21:9

Naupu haitu nakavamo saito malaeka lako nte ira papitu anu nantipale tubu-tubu niisi ante pitu-ngaya pepandasa kaupuna. Nangulimo ia ka yaku, “Kamaimo, kupopakita ka iko boti mombine anu rapoberei nu Ana Bimba.”