Pompakita 19:3 - Kaili Ledo

³ Bo nongare munimo tona dea haitu, “Haleluya! Ratoiyamo Alatala, sabana unu nu apu nompalabu ngata haitu molumura sampe ri kasae-saena, ledo ria kaupu-upuna!”

Pompakita 19:3 ပူးပေါင်းရင်းမြစ်များ

Yudas 1:7

Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.

Pompakita 14:11

Unu nu apu mompandasa ira bo ledo maupu-upu mounu sampe ri kasae-saena. Eo bongi ledo ria kaupu-upuna pepandasa ka ira sabana nisombara binata nadaa haitu ante pinoitona bo nitarimara tanda sanga nu binata haitu ri karora.

Pompakita 18:18

Tempo rakitara unu nu apu molumura lako ri ngata mbaso nipalabu haitu, ira mongare-ngare, “Ledo ria ngata ntanina ri dunia nasimbayu mpo ngata mbaso moitu!”

Pompakita 18:9

Magau-magau ri dunia, anu nompesana-sana ante tupu ngata Babel bo nangoseaka pokaingguna nabuga, tempo rakitara unu nu apu ri ngata napapu haitu, motumangi mpojea ira sabana kagero ngata haitu.

Pompakita 19:1

Naupu haitu yaku i Yohanes, nangepe moni mpo suara ntona dea novoo nongare-ngare ri suruga. Niulira, “Haleluya! Ratoiyamo Alatala! Sabana Iamo nompakasalama kita. Iamo Alatala anu naoge bo nakuasa!

Pompakita 19:4

Bo ropulu bo ampa totua bo ampa Anu Natuvu haitu nantaputu nombasomba Alatala anu nonturo ri Gadera KamagauaNa. Niulira, “Amin! Ratoiyamo Alatala!”