Pompakita 19:20 - Kaili Ledo

²⁰ Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.

Pompakita 19:20 ပူးပေါင်းရင်းမြစ်များ

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Pompakita 14:10

tona haitu rapokarau nu Alatala bo ledo ntoto rakurangiNa pehuku ka ira! Pehuku haitu nirapaka tona nipainu panginu napai mpuu, bo ledo niposigalo ante uve! Ira pura-pura rapandasa riara apu bo vatu-vatu colonggata narega ri panggita malaeka-malaeka nagasa bo Ana Bimba.

Pompakita 17:12

Sapulu-anguna tandu nikitamu haitu nirapaka sapulu magau anu dopa nompamula nomparenta. Ira radekeika kuasa moparenta mosanggani-nggani ante binata haitu sajaa kasaena.

Pompakita 19:19

Naupu haitu nikitaku binata nadaa pangane bo magau-magau ri dunia ante tantarana nasiromu ala mosieva ante Topesavi jara bula bo tantaraNa.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.

Pompakita 9:17

Riara panggitaku nikitaku jara-jara bo topesavina. Topesavi jara haitu nobaju ase. Bajura haitu nalei mpo vaya nu apu, bo nagavu mpo uve ntasi, bo nakuni mpo vatu colonggata. Balengga nu jara gahaitu mpo balengga nu singa, bo lako ri sumbara nesuvu apu, unu nu apu, bo vatu colonggata narega.