Pompakita 19:19 - Kaili Ledo

¹⁹ Naupu haitu nikitaku binata nadaa pangane bo magau-magau ri dunia ante tantarana nasiromu ala mosieva ante Topesavi jara bula bo tantaraNa.

Pompakita 19:19 ပူးပေါင်းရင်းမြစ်များ

Pompakita 11:7

Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Pompakita 14:9

Naupu haitu naria malaeka katataluna nantuntuni malaeka karanduana pangane. Nongaremo ia ante suara namangga mpuu ivei: “Isema-sema nombasomba binata nadaa ante pinoitona bo nantarima mere nu binata haitu ri kirena bara ri palena,

Pompakita 16:14

Ira tatalu haitu nosa nu seta-seta anu novia tanda-tanda nipokumaaka. Ira hau mosinggavaka pura-pura magau ri njumangu dunia bo mompokio ira masiromu meeva ri eo mpepakaviora, haitumo tempo Alatala toNeliu KakuasaNa, mombadagi pura-pura baliNa ri dunia.

Pompakita 16:16

Jadi seta-seta haitu nompasiromu magau-magau ante tantara-tantarara lako ri umba-umba ri dunia, ri ponturo niuli riara basa Ibrani, “Harmagedon.”

Pompakita 18:9

Magau-magau ri dunia, anu nompesana-sana ante tupu ngata Babel bo nangoseaka pokaingguna nabuga, tempo rakitara unu nu apu ri ngata napapu haitu, motumangi mpojea ira sabana kagero ngata haitu.

Pompakita 19:21

Jadi naupu sia, Topesavi jara bula nompatesi pura-pura tantara nu binata nadaa, nitimbeNa ira ante guma nesuvu lako ri ngangaNa. Bo nakava mpuumo tonji-tonji nangande isi karobata ntomate haitu sampe nabasa.