Pompakita 19:13 - Kaili Ledo

¹³ Baju ndoe nipasuaNa nilome ri raa. Bo Ia nidae “Tesa nu Alatala.”

Pompakita 19:13 ပူးပေါင်းရင်းမြစ်များ

Yohanes 1:1

Ri lamba pamulana naria mamimo Tesa nu Alatala. Tesa haitu nosinggani-nggani ante Alatala, bo Ia nasimbayu nte Alatala.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 5:7

Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.

Pompakita 14:20

Jadi vua anggur haitu nipea ri pompea vua anggur ri savaliku ngata. Bo noilimo raa lako ri pompea haitu mpo binangga kaogena, kakavao poili raa haitu talu-atu kilo kakavaona bo kandalana nitasere sametere santanga.