Pompakita 19:12 - Kaili Ledo

¹² MataNa narega mpo vaya nu apu bo ri balenggaNa nadea songgo magau. Ri karoNa naria sanga nitulisi, tapi aga Ia mboto nangisani sanga haitu.

Pompakita 19:12 ပူးပေါင်းရင်းမြစ်များ

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 21:5

Ulimo ka tupu ngata Sion, “Peinta! Ritumo magaumiu makava nte komiu! Ia naede rarana, Ia nesavi keledai, ana nu keledai.” Yesaya 62:11; Zakharia 9:9

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Lukas 10:22

Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Yohanes 17:11

Domo masae Yaku monturo ri dunia hitu. Yaku tou nte Komiu, tapi anaguruKu da monturo ri dunia hitu. O, Tata! Komiu nagasa! Jagaimo ira ante kuasaMiu, haitumo kuasa nidekeiMiu ka Yaku. Jagaimo ira ala ira mosangu rara nasimbayu mpo Yaku nosangu rara nte Komiu.

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Efesus 1:21

Kuasa nidekeiNa ka i Kristus naogepa pade pura-pura kuasa ntanina, nau kuasa pomarenta-pomarenta, nau kuasa ntomaoge, nau kuasa anu nisomba manusia, nau kuasa-kuasa nipokaeka manusia. I Kristus nakuasapa pade pura-pura anu nalanga panggana, nau anu naria sii-sii, nau anu maria ri tempo makava.

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.

Pompakita 1:14

BalenggaNa bo buluaNa naramputi mpo kapa bo salju. Bo mataNa narega mpo vaya nu apu.

Pompakita 12:3

Bo neumba munimo tanda ntanina ri langi anu mpuu-mpuu nipokumaaka. Naria sangaya ule mbaso nalei, sangana ule naga. Ule naga haitu nobalengga papitu bo notandu sapulu. Pura-pura balenggana naria songgo magau.

Pompakita 13:1

Naliu haitu nikitaku sangu binata nadaa nesuvu lako rantasi. Binata haitu notandu sapulu bo nobalengga papitu. Pura-pura tanduna naria songgo mpo songgo magau, bo ri pura-pura balenggana nitulisi tesa-tesa nompandaente Alatala.

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.

Pompakita 6:2

Nipeintaku, naria sangu jara bula. Topesavina nanggangisi pana bo nidekei ka ia songgo, mpo songgo nipoposonggoka tona padagi riara mposieva. Bo haumo ia mpo tadulako mombadagi balina.