Pompakita 17:9 - Kaili Ledo

⁹ Ri sii kita paraluu pekiri manoto. Pitu-angu balengga nu binata nadaa anu nipesavi nu mombine haitu nirapaka papitu bulu nipombabangu ngata. Bo papitu balengga haitu muni nirapaka papitu magau.

Pompakita 17:9 ပူးပေါင်းရင်းမြစ်များ

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.

Matius 24:15

I Yesus nompapola pepatudukiNa ka anaguruNa ivei: “Nabi Daniel nggaulu nombaboto ‘Toperopu anu Nompakarunggu rara nu Alatala.’ (Topombaca tesa hitu kana pariaramo batuana!) Ane rakitamiu anu niboto Nabi Daniel haitu neangga ri Banua nu Alatala,

Pompakita 13:1

Naliu haitu nikitaku sangu binata nadaa nesuvu lako rantasi. Binata haitu notandu sapulu bo nobalengga papitu. Pura-pura tanduna naria songgo mpo songgo magau, bo ri pura-pura balenggana nitulisi tesa-tesa nompandaente Alatala.

Pompakita 13:18

Kita paraluu noto ala rasanita batuana tesa pangane. Tona natau rasanina mombareke lamoro-lamoro lako ri sanga binata haitu, apa lamoro haitu nirapaka sanga manusia saito. Lamorona haitu onoatu onopulu bo aono.

Pompakita 17:18

Bo mombine nikitamu haitu nirapaka ngata mbaso anu nomparenta magau-magau ri dunia.”

Pompakita 17:3

Naupu haitu yaku nikuasai Nosa Gasa nu Alatala bo nikeni nu malaeka haitu hau ri karava bai. Hamai nikitaku saito mombine nesavi binata nalei buluna. Ri njumangu karo nu binata haitu nitulisi tesa-tesa anu nompandaente Alatala. Binata haitu muni nobalengga papitu bo notandu sapulu.

Pompakita 17:7

Bo nangulimo malaeka haitu ka yaku, “Nakuya iko nokumaa nanggita mombine haitu? Kupakalanto ka iko anu nirapaka mombine haitu bo binata nipesavina anu nobalengga papitu bo notandu sapulu.