Pompakita 17:1 - Kaili Ledo

¹ Naupu haitu, saito lako ri papitu malaeka anu nantipale tubu-tubu pangane nakava nte yaku bo nanguli ka yaku, “Kaimo, kupopakita ka iko pehuku rapambela ka bajinga nakuasa, haitumo ngata mbaso nibangu napara binangga nadea.

Pompakita 17:1 ပူးပေါင်းရင်းမြစ်များ

Lukas 24:32

Pade nosiulikamo ira, “Siamo sampe nasana rarata tempo Ia notesa ka kita ri dala pangane bo nombatentei isi Buku Gasa ka kita!”

Lukas 9:30

Sampesanika, neumbamo tona randua notesa ante Ia, haitumo i Musa bo i Elia, nabi nu Alatala.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.

Pompakita 15:1

Naupu haitu, nikitaku ri suruga naria sangayapa tanda nambaso anu nipokumaaka. Naria papitu malaeka ante pitu-ngaya pepandasa kaupuna. Ante pepandasa haitu maupumo rau rara nu Alatala mompokarau manusia ri dunia.

Pompakita 16:19

Bo ngata mbaso nosanga ngata Babel nabingga tatalu bagia. Bo nagero sanggani pura-pura ngata mbaso ri njumangu dunia. Bo Alatala nombabalasi kadaa ntoponturo ri ngata mbaso Babel haitu. Ia nompopainu pakaupu uve anggur nu rauNa ka ira. Batuana, Ia mpuu-mpuu nompokarau ira bo ledo ntoto naria kaondo-ondoNa.

Pompakita 18:1

Naupu malaeka pangane notesa, nikitaku saito malaeka ntanina nanau lako ri suruga. Naoge mpuu kuasana, bo lako ri karemena njumangu dunia nareme.

Pompakita 19:2

Ratoiyamo Ia sabana pombabotusiNa nakana bo nanoa. NihukuNamo bajinga haitu, anu nompakadaa dunia apa nipakenina tona ntanina nosipogau ante ia. Nipesava nu Alatalamo mombine haitu sabana pompatesina topangoseaka Alatala.”

Pompakita 19:9

Naupu sia, nangulimo malaeka haitu ka yaku, “Tulisimo hitu: Nabelo mpuumo tona nigaga hau ri posusa ponika Ana Bimba.” Bo niulina munimo, “Tesa-tesa hitu lako nte Alatala bo nakana mpuu!”

Pompakita 21:15

Malaeka anu notesa ante yaku haitu nantipale sambesa toko poreke nipovia lako ri bulava raporeke kambaso ngata haitu ante tembo bo bobaana.

Pompakita 21:9

Naupu haitu nakavamo saito malaeka lako nte ira papitu anu nantipale tubu-tubu niisi ante pitu-ngaya pepandasa kaupuna. Nangulimo ia ka yaku, “Kamaimo, kupopakita ka iko boti mombine anu rapoberei nu Ana Bimba.”

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”