Pompakita 16:2 - Kaili Ledo

² Nangepe haitu, haumo malaeka pamulana nombabusaka isi tubuna ri dunia. Bo sampesanika neumbamo bisu-bisu nadaa anu nadua mpuu ri karo ntona pura-pura anu naria mere binata nadaa haitu bo ri pura-pura tona anu nombasomba pinoitona.

Pompakita 16:2 ပူးပေါင်းရင်းမြစ်များ

Suro-Suro 12:23

Ri tempo haitumo malaeka nTupu nompakadua Magau Herodes, sabana ia ledo nompakaoge Alatala, ledo nitagina todea nanguli tesa haitu. Jadi da natuvu ia, nikande ndoromo sampe namate.

Pompakita 13:12

Binata nadaa karanduana haitu mpo nabi niposuro nu binata nadaa pamulana. Jadi pura-pura kuasa nu binata pamulana haitu nipajala nu binata karanduana. Pura-pura manusia ri dunia nipasuuna mombasomba binata pamulana anu naria bela baka oga anu natoromo.

Pompakita 14:16

Jadi tona nonturo ri bavo nggulimu haitu nompake arena bo nisombenamo isi dunia.

Pompakita 14:9

Naupu haitu naria malaeka katataluna nantuntuni malaeka karanduana pangane. Nongaremo ia ante suara namangga mpuu ivei: “Isema-sema nombasomba binata nadaa ante pinoitona bo nantarima mere nu binata haitu ri kirena bara ri palena,

Pompakita 16:1

Naupu haitu niepeku suara namangga lako riara Banua nu Alatala ri suruga nanguli ka papitu malaeka, “Koimo, busaka isi tubu-tubu naponu ante rau rara nu Alatala tutu ri dunia.”

Pompakita 16:11

Ira nombasalai Alatala anu naria ri suruga sabana nadua mpuu nirasaira bo nadaa mpuu bisu-bisu ri karora. Tapi ira ledo najea lako ri pokainggura nadaa.

Pompakita 8:7

Bo malaeka pamulana nompopomoni tabuena. Kaliu-liu nauda esi bo apu nogalo raa sampe ri tana bo naromba mpuu. Bo sabagia lako ri tatalu bagia tana naupu sanggani nikande nu apu, sampe napapu sabagia lako ri tatalu bagia kayu-kayu bo pura-pura kavoko naramata.