Pompakita 16:15 - Kaili Ledo

¹⁵ Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 16:15 ပူးပေါင်းရင်းမြစ်များ

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Matius 26:41

Komiu kana mainga pura bo mosambaya ala komiu ledo mambela pesori! Komiu madota movia anu mabelo, tapi ledo nipakulemiu sabana komiu manusia nalente.”

Markus 14:38

Komiu kana mainga pura bo mosambaya ala komiu ledo mambela pesori! Komiu madota movia anu nabelo, tapi ledo nipakulemiu sabana komiu manusia nalente.>>

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Suro-Suro 20:31

Jadi komiu kana mainga! Toramo, sampesuvu-sampesuvuku. Talu-mpae kasaena, eo bongi yaku ledo nenonto nompatuduki bo nompainga komiu saito-saito, bo nadea uve mataku natiti.

2 Korintus 5:3

Apa ane rakavata karo nabaru haitu, nirapaka kita nompasua baju ala domo movuloa.

1 Tesalonika 5:4

Tapi komiu ledo natuvu ri kalandana mpo tona ledo nisanina nuapa-nuapa. Jadi komiu ledo rapakatikaja ane sampesanika i Yesus meonga mpo topangangga bongina.

1 Tesalonika 5:6

Jadi kita kana mainga bo manoto rarata, nee mamonjo-monjo mpo tona da natuvu ri kalandana.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

2 Petrus 3:10

Tapi i Pue Yesus mpuu-mpuu makava mpanjili! KakavaNa ledo rasani-sani ntona, nasimbayu mpo kakava ntopangangga. Ri eo haitu langi malipo sanggani ante moni mamangga mpuu mpo suu nu apu oge. Bo pura-pura anu naria ri langi maropu rakande nu apu, bo dunia ante pura-pura isina malipo sanggani.

Pompakita 22:7

Bo nangulimo i Yesus, “Pariaramo! Domo masae makavamo Yaku. Nabelo mpuumo tona nompariara anu niboto ri buku hitu!”

Pompakita 3:11

Domo masae Yaku makava! Jadi kingisi pakarosomo pepatuduki nipatuduki ka komiu ala komiu manggava hadia padagi lako nte Alatala. Nee sampe maria tona mangago hadia haitu lako nte komiu.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.