Pompakita 16:14 - Kaili Ledo

¹⁴ Ira tatalu haitu nosa nu seta-seta anu novia tanda-tanda nipokumaaka. Ira hau mosinggavaka pura-pura magau ri njumangu dunia bo mompokio ira masiromu meeva ri eo mpepakaviora, haitumo tempo Alatala toNeliu KakuasaNa, mombadagi pura-pura baliNa ri dunia.

Pompakita 16:14 ပူးပေါင်းရင်းမြစ်များ

Matius 24:14

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Markus 13:22

Sabana meumba topodava manguli iramo Magau Topepakasalama, bo meumba muni nabi-nabi mpodava. Ira pura-pura movia tanda-tanda nipokumaaka bo kabaraka-kabaraka mombabagiu tona. Ane mamala, nau damo tona nipelisi nu Alatala rabagiura muni.

Lukas 2:1

Tempo haitu Magau Mbaso Kaisar Agustus nomparenta ala pura-pura sanga ntona riara poparentana ratulisi riara buku sensus ri ngata ntotuara mboto.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Roma 1:8

I Yesus Kristus mosinggava nte yaku nosukuru nte Tupuku Alatala. Pamula-mulana yaku nosukuru sabana lele pomparasayamiu i Yesus niepe ntonamo ri umba-umba ri dunia.

2 Tesalonika 2:9

Topesapuaka meumba ante kuasa mbaso lako ri Magau nu Seta bo rapoviana mpengaya-ngaya kabaraka bo tanda-tanda nipokumaaka anu mombabagiu tona.

1 Timotius 4:1

Nosa Gasa nu Alatala nanguli pakalanto ka kita anu majadi ri tempo hitu napara kaupu nu dunia. Maria tona moura momparasaya pepatuduki nakana. Ira aga mangoseaka anu daa anu nombabagiu tona, bo momparasaya pepatuduki lako ri seta-seta.

Yakobus 3:15

Noto pompekiri ivehaitu ledo nopuna lako nte Alatala, tapi aga nopuna lako ri dunia nadaa hitu, lako ri dota rarata nadaa, bo lako ri seta-seta.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:3

Sangu lako ri pitu-angu balengga binata haitu naria bela baka oga anu rapomatena. Tapi bela haitu natoromo. Jadi pura-pura manusia ri dunia nokumaa mpuu nanggita binata nadaa haitu, bo nosimpagomo ira nangoseaka ia.

Pompakita 16:16

Jadi seta-seta haitu nompasiromu magau-magau ante tantara-tantarara lako ri umba-umba ri dunia, ri ponturo niuli riara basa Ibrani, “Harmagedon.”

Pompakita 16:7

Naupu sia, niepeku suara lako ri Lanta Pesomba nanguli, “O Pue Alatala, ivesia mamimo! Nakana bo nanoa mpuu pehuku nipambelaMiu! Neliu mpuu KakuasaMiu.”

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 20:8

bo ia hau mombabagiu tona ri njumangu dunia, haitumo ngata-ngata bo todea-todea niuli Gog bo Magog. Magau nu Seta haitu mompasiromu tona gahaitu mangeva Alatala bo topomparasaya. Kadea ntona rapasiromu mpo bone ri bivi ntalinti, ledo rapakule mombabilana.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 6:17

Apa nakavamo eo nipoviora rara manusia, tempo Alatala bo Ana Bimba mompopakita rau raraRa. Nau saitoa ledo maria mompakule mombatidamaka rapambela rau rara haitu!