Pompakita 14:7 - Kaili Ledo

⁷ Notesamo ia ante suara namangga, “Bilamo Alatala, bo tesamo kaogeNa! Apa nakavamo tempona Alatala mombatangara manusia! Petupumo nte Alatala anu nompajadi langi, tana bo tasi bo pura-pura mata nu uve!”

Pompakita 14:7 ပူးပေါင်းရင်းမြစ်များ

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Lukas 17:18

Nakuya aga saito hitu nanjili nanguli tarima kasi nte Alatala? Bo ia ledo toYahudi!”

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 11:18

Tona ledo nosisani nte Komiu narau bo nangeva Komiu. Tapi nakavamo gantana Komiu mompopakita rau nu raraMiu ka ira. Nakavamo gantana Komiu mombatangara tona namate. Bo nakava munimo gantana Komiu mombadekei tambo ka batua-batuaMiu, haitumo, nabi-nabi anu nompasimbayu tesaMiu, bo ka pura-pura todeaMiu, ira anu nombabila Komiu, nau tona biasa, nau tona naoge katuvuna. Nakavamo gantana Komiu mombahuku tona anu nompakaropu manusia ri dunia hitu.”

Pompakita 15:4

Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa.”

Pompakita 16:9

Manusia gahaitu nipakaboa pane nu mata eo. Bo ira nombasalai Alatala sabana Iamo nomparenta pepandasa haitu rapambela ka ira. Tapi ira ledo ntoto nadota majea lako ri poviara nadaa, ira ledo nadota mombabila bo mombatoiya kaoge nu Alatala.

Pompakita 18:10

Ira aga meangga meantoaka nggavao manggita unu nu apu haitu, apa naeka ira rapendai kasusa anu nombarumpa ngata mbaso haitu. Ira manguli, “Oranga! Oranga! Nandasa mpuumo tupu ngata mbaso moitu, ngata Babel anu naroso mpuu! Aga riara sajaa nipambela pehuku nu Alatala komiu!”

Pompakita 18:17

Tapi aga riara sajaa kakalumana nadea mpuu haitu naropu sanggani.” Bo pura-pura topompajala kapala, ante topokarajaa riarana, bo pura-pura topesavi kapala ante pura-pura tona anu nopaelo katuvura ri tasi, meangga mepentoaka nggavao manggita ngata haitu.

Pompakita 18:19

Ira mombakamburaka sovu ntana ri balenggara sabana kasusa rarara. Ira mantete motumangi bo manguli, “Oranga! Oranga! Nandasa mpuumo tupu ngata mbaso moitu! Lako ri kakalumana ntupu ngata Babel haitu, pura-pura tona naria kapalana rarantasi najadi nakalumanamo. Tapi peintamo! Aga riara sajaa naropu sangganimo pura-pura kakalumanara haitu!”

Pompakita 19:5

Naupu haitu naria suara lako ri Gadera Kamagaua haitu nanguli, “Umba komiu pura-pura topangoseaka Alatala! Toiyamo Tuputa Alatala! Toiyamo Ia, komiu anu natundu nte Ia, nau tona biasa nau tona naoge katuvuna!”

Pompakita 4:11

“O, Alatala, Tupu kami, aga Komiu masipato ratoiya bo rabila kami. Aga Komiumo nakuasa, Komiumo nompajadi pura-pura anu naria. Bo lako ri dotaMiu mboto sampe pura-pura haitu nipajadi bo naria.”

Pompakita 4:9

Anu Natuvu haitu nombatoiya bo nombabila bo nosukuru nte Toponturo ri Gadera Kamagaua anu natuvu sampe ri kasae-saena. Tempo ira netoiya ivesia,

Pompakita 8:10

Naupu haitu malaeka katataluna nompopomoni tabuena. Kaliu-liu nanavumo sangu betue mbaso lako ri langi, narega mpo sulo. Betue haitu nanavu nambela sabagia lako ri tatalu bagia binangga bo mata nu uve ri dunia.