Pompakita 14:15 - Kaili Ledo

¹⁵ Naupu haitu naria malaeka ntanina nesuvu lako ri Banua nu Alatala ri suruga. Bo nongaremo ia ante suara namangga ka tona nonturo ri bavo kulimu haitu, ivei: “Pakemo aremu tutu, bo posombemo, sabana temponamo mosombe! Manusia ri dunia nasadiamo rahuku!”

Pompakita 14:15 ပူးပေါင်းရင်းမြစ်များ

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 23:32

Jadi povia-viamo dosa nasimbayu ante dosa ntotuamiu nggaulu haitu!

Markus 4:29

Ane natasamo pae, haumo tona mokato apa nakavamo tempona mokato.>>

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.

Pompakita 11:19

Naupu haitu natebukamo vamba Banua nu Alatala ri suruga bo riara banua haitu nikitaku Peti Pojanji nu Alatala. Tempo haitu kila damo mparea bo guru kede damo mpapedi. Najadimo lingu mbaso ante uda esi naromba mpuu.

Pompakita 13:12

Binata nadaa karanduana haitu mpo nabi niposuro nu binata nadaa pamulana. Jadi pura-pura kuasa nu binata pamulana haitu nipajala nu binata karanduana. Pura-pura manusia ri dunia nipasuuna mombasomba binata pamulana anu naria bela baka oga anu natoromo.

Pompakita 14:14

Naupu sia, naria vai anu nipopakita ka yaku. Naria kulimu nabula bo ri bavo nggulimu haitu naria saito tona nonturo, lenjena mpo Ana nu Manusia. Ri balenggaNa naria songgo bulava bo ri palena naria samata are ntada.

Pompakita 14:16

Jadi tona nonturo ri bavo nggulimu haitu nompake arena bo nisombenamo isi dunia.

Pompakita 14:17

Naupu haitu nikitaku saito malaeka ntanina nesuvu lako ri Banua nu Alatala ri suruga. Ia muni nantipale samata are ntada.

Pompakita 14:18

Bo nakava saitopa malaeka ntanina lako ri Lanta Pesomba. Iamo nakuasa nombaurusi apu ri Lanta Pesomba haitu. Nongaremo ia ante suara namangga ka malaeka anu nantipale are ntada, ivei: “Pakemo aremu tutu bo tentesimo vua anggur ri dunia, natasamo vuana.”

Pompakita 15:6

Bo lako riara Banua nu Alatala haitu nesuvumo papitu malaeka nanggeni pitu-ngaya pepandasa kaupuna. Pakeara nipovia lako ri kae naramputi nenggila, bo bambarara nibeve bulava.

Pompakita 16:17

Naupu haitu malaeka kapapituna nombabusaka isi tubuna hau ri laerava. Bo niepeku suara namangga lako ri Gadera Kamagaua nu Alatala ri BanuaNa nanguli, “Naupumo!”

Pompakita 6:10

Ira nongare sanggani ante suara namangga mpuu, “O Pue, Komiu nelabi nakuasa! Komiu nagasa bo nanoa! Sakuyapa kasaena pade ratangaraMiu bo rabalasiMiu tona nadaa ri dunia nompatesi kami?”