Pompakita 14:14 - Kaili Ledo

¹⁴ Naupu sia, naria vai anu nipopakita ka yaku. Naria kulimu nabula bo ri bavo nggulimu haitu naria saito tona nonturo, lenjena mpo Ana nu Manusia. Ri balenggaNa naria songgo bulava bo ri palena naria samata are ntada.

Pompakita 14:14 ပူးပေါင်းရင်းမြစ်များ

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Markus 4:29

Ane natasamo pae, haumo tona mokato apa nakavamo tempona mokato.>>

Lukas 21:27

Maupu haitu, rakitaramo Yaku, Ana nu Manusia, manau riara kulimu. Bo rakitaramo kuasaKu bo kaogeKu nipokumaaka.

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.

Pompakita 1:13

Ri olo kada mpoindo haitu naria saito tona, lenjena mpo Ana nu Manusia. Baju nipasuaNa nandoe nakava ri kadaNa, bo bambaraNa nibeve bulava.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!

Pompakita 10:1

Naupu haitu nikitaku malaeka ntanina anu naroso mpuu nanau lako ri suruga. Ia nibungu kulimu bo balenggana nilili ntirauve. Lenjena mpo kareme nu eo bo kadana mpo tinja, nenjela mpo vaya nu apu.

Pompakita 11:17

Niulira, “O, Pue Alatala, neliu mpuu KakuasaMiu! Bo Komiu naria mamimo lako ri lamba pamulana bo bate-batena naria sii-sii! Kami notarima kasi nte Komiu apa nipopakitaMiumo kuasaMiu naoge. Nompamulamo Komiu nomparenta!

Pompakita 19:12

MataNa narega mpo vaya nu apu bo ri balenggaNa nadea songgo magau. Ri karoNa naria sanga nitulisi, tapi aga Ia mboto nangisani sanga haitu.

Pompakita 20:11

Naupu haitu nikitaku sangu Gadera Kamagaua nabula bo nambaso. Bo nikitaku muni Toponturo ri Gadera haitu. Nariapa Ia ri sia, nalipo singganimo dunia, bo domo naria nikita.

Pompakita 6:2

Nipeintaku, naria sangu jara bula. Topesavina nanggangisi pana bo nidekei ka ia songgo, mpo songgo nipoposonggoka tona padagi riara mposieva. Bo haumo ia mpo tadulako mombadagi balina.