Pompakita 14:1 - Kaili Ledo

¹ Naliu haitu naria vai anu nipopakita ka yaku. Nikitaku Ana Bimba neangga ri bavo Bulu Sion nosanggani-nggani ante saatu patapulu bo pata-njobu tona. Bo sanga nu Ana Bimba bo sanga nTuamaNa Alatala nitulisi ri kirera.

Pompakita 14:1 ပူးပေါင်းရင်းမြစ်များ

Lukas 12:8

“Pariaramo! Isema-sema manguli ri ngayo ntodea, ia topangoseaka Yaku, Yaku muni manguli ri ngayo malaeka-malaeka nu Alatala, ia topangoseaka Yaku.

Roma 9:33

Haitu niboto riara Buku Gasa ivei: <> Yesaya 28:16

Pompakita 14:14

Naupu sia, naria vai anu nipopakita ka yaku. Naria kulimu nabula bo ri bavo nggulimu haitu naria saito tona nonturo, lenjena mpo Ana nu Manusia. Ri balenggaNa naria songgo bulava bo ri palena naria samata are ntada.

Pompakita 14:3

Tona saatu patapulu pata-njobu haitu nodade dade nabaru ri ngayo nu Alatala bo ri ngayo ampa Anu Natuvu bo totua-totua anu nombatiku Gadera Kamagaua nu Alatala. Dadera haitu ledo namala nipeguru ntona ntanina aga ira saatu patapulu bo pata-njobu anu nitolo nu Ana Bimba lako ri dunia.

Pompakita 15:5

Naupu haitu nikitaku tona nangungge Banua nu Alatala ri suruga, ante Tenda nTupu riarana.

Pompakita 22:4

Bo ira manggita lenjeNa mpuu. Bo sangaNa ratulisi ri kirera pura-pura.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”

Pompakita 6:8

Naliu haitu nikitaku sangu jara navaa buluna! Topesavi jara haitu nosanga “Kamatea.” Bo anu netuntuni ri purina nosanga “Ponturo Ntomate.” Ira randua haitu nidekeika kuasa mombabagi ampa pura-pura manusia ri dunia bo mompatesi sabagia. Naria sanu namate tempo posieva, naria sanu namate tempo nu ara, naria sanu namate tempo dua timboro, bo naria muni sanu namate nikande binata-binata nasingi ri dunia.