Pompakita 13:7 - Kaili Ledo

⁷ Ia nipaloga muni mangeva todea nu Alatala bo mombadagi ira. Bo nidekei muni kuasa ka ia momparenta manusia ri njumangu dunia, haitumo tona ri pura-pura ngata, bo valaa, bo tona lako ri pura-pura basa ri dunia.

Pompakita 13:7 ပူးပေါင်းရင်းမြစ်များ

Lukas 4:6

Pade nanguli Seta ka i Yesus, “Kuasa momparenta pura-pura kamagaua, bo pura-pura kakalumanara kudekei ka Komiu, sabana pura-pura hitu yaku tupuna bo namala kudekei ka isema-sema kupodota.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Pompakita 10:11

Naupu haitu yaku nitudu vaimo, “Iko kana mompasimbayu tesa lako nte Alatala anu notesaki anu majadi nte magau-magau bo todea lako ri mpengaya-ngaya ngata bo valaa, bo topotesa mpengaya-ngaya basa.”

Pompakita 11:18

Tona ledo nosisani nte Komiu narau bo nangeva Komiu. Tapi nakavamo gantana Komiu mompopakita rau nu raraMiu ka ira. Nakavamo gantana Komiu mombatangara tona namate. Bo nakava munimo gantana Komiu mombadekei tambo ka batua-batuaMiu, haitumo, nabi-nabi anu nompasimbayu tesaMiu, bo ka pura-pura todeaMiu, ira anu nombabila Komiu, nau tona biasa, nau tona naoge katuvuna. Nakavamo gantana Komiu mombahuku tona anu nompakaropu manusia ri dunia hitu.”

Pompakita 11:7

Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Pompakita 12:17

Nagigi mpuumo rara nu ule naga haitu nanggita mombine, sampe ia hau mombaeva muli-muli nu mombine haitu ntanina, haitumo tona natutu nangoseaka parenta-parenta nu Alatala bo bate-batena nanggangisi pepatuduki i Yesus.

Pompakita 17:15

Naupu haitu nanguli vai malaeka ka yaku, “Binangga nadea nikitamu pangane napara mombine bajinga, nirapaka tona ri njumangu dunia, todea-todea lako ri umba-umba ngata, bo topobasa mpengaya-ngaya basa ri dunia.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.