Pompakita 13:6 - Kaili Ledo

⁶ Jadi ia nompakalanga karona mboto, bo nompakasimbayu karona nte Alatala. Ia nanjalai Alatala, bo nipandaentena muni Gadera Kamagaua nu Alatala ri suruga bo pura-pura anu nonturo hamai.

Pompakita 13:6 ပူးပေါင်းရင်းမြစ်များ

Matius 12:34

Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 15:19

Apa lako riara ntai neumba mpengaya pekiri nadaa, anu nanggeni tona nepatesi, nobualo, nogau nabuga, nangangga, nosabi dava, bo nesalai.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Roma 3:13

Tesa-tesara nadaa mpuu, nasimbayu mpo soa dayo ntomate nateungge. Tesa pebagiu nesuvu lako ri sumbara. Tesara nombagerosi tona ntanina nasimbayu mpo peteo nu ule nobisa. Mazmur 5:10, 140:4

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Kolose 2:9

Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

Ibrani 9:2

Sangu tenda nipataka, riarana naria rontombi. Ri tombi koluna naria kada mpoindo bo meja ante roti nipesomba ka Alatala. Tombi haitu niuli Tombi Nagasa.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

Pompakita 11:12

Naupu haitu nariamo suara namangga lako ri suruga nanguli ka ira randua, “Kamaimo! Peore tumaimo!” Bo neore mpuumo ira hau ri suruga nibungu kulimu bo pura-pura balira nanggita peorera haitu.

Pompakita 12:12

Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”

Pompakita 15:5

Naupu haitu nikitaku tona nangungge Banua nu Alatala ri suruga, ante Tenda nTupu riarana.

Pompakita 18:20

Bo nanguli malaeka, “Umbamo komiu toponturo ri suruga! Pakadambamo raramiu! Pakadambamo raramiu todea nu Alatala mosanggani-nggani ante suro-suroNa bo nabi-nabiNa! Sabana, tupu ngata mbaso Babel nihuku nu Alatalamo! NibalasiNamo pokainggura nadaa nte komiu.”

Pompakita 21:3

Bo niepeku suara namangga lako ri Gadera Kamagaua nu Alatala haitu nanguli, “Pariaramo! Sii-sii ponturo nu Alatala nosanggani-nggani ante manusia. Ia monturo ri tatangara bo ira majadi todeaNa. Bo Ia mboto mosanggani-nggani ante ira bo majadi Alatala rasombara.

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.

Pompakita 5:13

Pade niepeku munimo suara nu pura-pura anu natuvu ri suruga, ri tana, ri tambe ntana, rantasi, bo pura-pura anu natuvu nodade ivei: “Toponturo ri Gadera Kamagaua bo Ana Bimba haitu masipato ratoiya bo rabila bo rapakaoge, bo kuasaRa masipato ratesata sampe ri kasae-saena.”

Pompakita 7:15

Haitu sampe ira neangga ri ngayo Gadera Kamagaua nu Alatala. Eo bongi ira ledo nenonto netupu bo nombasomba Alatala riara Banua nu Alatala. Bo Alatala anu nonturo ri Gadera KamagauaNa haitu nosanggani-nggani ante ira ala mombalendu ira.

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.