Pompakita 13:5 - Kaili Ledo

⁵ Binata nadaa haitu nidekeika kuasa notesa, bo ia nangoe bo nompandaente Alatala. Nidekei muni ia noparenta bo novia dotana mboto talu-mpae santanga kasaena.

Pompakita 13:5 ပူးပေါင်းရင်းမြစ်များ

2 Tesalonika 2:3

Nau bara berimba ntoto kareba haitu, nee sampe komiu rabagiu ntona, sabana dopame makava eo haitu, naria rongaya kana majadi ntani ruru. Pamulana, madea mpuu tona moura pomparasayara bo mombasapu Alatala. Bo karongayana, kana meumba Topesapuaka anu ranavusaka riara narakaa bara maipia.

2 Tesalonika 2:4

Ia mangeva Alatala bo malanga rarana mangoe. Raulina iamo naogepa pade pura-pura anu nisomba nu manusia bo anu niuli nu manusia “tupu”. Ledo aga haitu, kaupuna ia mesua monturo riara Banua nu Alatala bo raulina iamo Alatala!

2 Tesalonika 2:8

pade meumba Topesapuaka. Tapi tempo i Pue Yesus meonga ante kuasaNa nareme, kuasa nTopesapuaka malipo sanggani, bo i Pue Yesus mompatesi ia ante nosa lako ri sumbaNa.

Pompakita 11:7

Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Pompakita 12:14

Tapi mombine haitu nidekeika randua kapi nambaso mpo kapi ntonji love ala ia mamala mevoro hau ri ponturo nipakasadia ka ia ri karava bai. Hamai ia rapiara talu-mpae santanga kasaena, bo ia ralenduti ala ledo mamala rakuyasi nu ule naga haitu.

Pompakita 12:6

Naupu haitu nalaimo mombine hau ri karava bai. Ri sia ia nonturo ri ponturo nipakasadia nu Alatala mamimo ka ia. Ri ponturo haitu ia nipiara talu-mpae santanga kasaena.

Pompakita 13:7

Ia nipaloga muni mangeva todea nu Alatala bo mombadagi ira. Bo nidekei muni kuasa ka ia momparenta manusia ri njumangu dunia, haitumo tona ri pura-pura ngata, bo valaa, bo tona lako ri pura-pura basa ri dunia.