Pompakita 13:2 - Kaili Ledo

² Binata nikitaku haitu nolenje mpo taveve mbaso niuli tutul, bo kadana mpo kada nu beruang, bo sumbana mpo sumba nu singa. Bo ule naga nombadekei karosona mboto bo gadera kamagauana bo kuasana naoge ka binata haitu.

Pompakita 13:2 ပူးပေါင်းရင်းမြစ်များ

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

Pompakita 12:13

Nisani nu ule nagapa ia nitedaka ri dunia, niraganamo mombine anu dako noanaka ngana langgai pangane.

Pompakita 12:15

Ule naga haitu nombasuparaka uve oge mpo binangga lako ri ngangana hau nombaraga mombine haitu ala mombaavesaka ia.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:12

Binata nadaa karanduana haitu mpo nabi niposuro nu binata nadaa pamulana. Jadi pura-pura kuasa nu binata pamulana haitu nipajala nu binata karanduana. Pura-pura manusia ri dunia nipasuuna mombasomba binata pamulana anu naria bela baka oga anu natoromo.

Pompakita 13:4

Nisombara ule naga sabana ia nombadekei kuasa ka binata nadaa haitu, bo nisombara muni binata nadaa. Niulira, “Ledo ntoto naria kasimbayuna binata hitu! Ledo ria saitoa mabia mangeva ia!”

Pompakita 16:10

Naupu haitu malaeka kaalimana nombabusaka isi tubuna ri ponturo binata nadaa. Sampesanika pura-pura ngata niparenta nu binata haitu najadi nalanda mpuu. Bo pura-pura todeana nanggiki dila sabana kandasara.

Pompakita 17:12

Sapulu-anguna tandu nikitamu haitu nirapaka sapulu magau anu dopa nompamula nomparenta. Ira radekeika kuasa moparenta mosanggani-nggani ante binata haitu sajaa kasaena.

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 20:2

Nisakana ule naga haitu anu niuli Ule Ntua, atau Topangadu atau Magau nu Seta. Bo ule haitu sanjobu mpaemo kasaena nirantena.