Pompakita 13:17 - Kaili Ledo

¹⁷ Ledo ria saitoa tona namala mangali atau mompobalu nuapa-nuapa ane ledo naria tanda haitu ri palena atau ri kirena, haitumo sanga nu binata pamulana atau lamoro anu norapaka sangana haitu.

Pompakita 13:17 ပူးပေါင်းရင်းမြစ်များ

Galatia 6:17

Jadi kaupuna, tumo mompakasusa yaku, sabana bela-bela ri karoku najadi tanda yaku mpuu-mpuu batua i Yesus Kristus.

Pompakita 13:16

Pura-pura tona nipasuu nu binata karanduana haitu ramere ri pale nggana atau ri kirera, nau tona biasa, nau tomaoge, nau tona nakalumana nau tona napakasi, nau tona najadi batua nau madika-madika.

Pompakita 13:18

Kita paraluu noto ala rasanita batuana tesa pangane. Tona natau rasanina mombareke lamoro-lamoro lako ri sanga binata haitu, apa lamoro haitu nirapaka sanga manusia saito. Lamorona haitu onoatu onopulu bo aono.

Pompakita 14:11

Unu nu apu mompandasa ira bo ledo maupu-upu mounu sampe ri kasae-saena. Eo bongi ledo ria kaupu-upuna pepandasa ka ira sabana nisombara binata nadaa haitu ante pinoitona bo nitarimara tanda sanga nu binata haitu ri karora.

Pompakita 14:9

Naupu haitu naria malaeka katataluna nantuntuni malaeka karanduana pangane. Nongaremo ia ante suara namangga mpuu ivei: “Isema-sema nombasomba binata nadaa ante pinoitona bo nantarima mere nu binata haitu ri kirena bara ri palena,

Pompakita 15:2

Bo naria sangaya nikitaku eva tasi nevayo mpo kaca bo nogalo apu. Bo ri bivi ntasi haitu nikitaku tona dea neangga. Tona gahaitumo nombadagi binata nadaa sabana ira ledo ntoto nombasomba ia, bo ledo nombasomba pinoito binata haitu, bo ledo nombatarima mere nu binata haitu, haitumo lamoro nirapaka sangana. Pura-pura ira neangga ri bivi ntasi haitu nantipale kacapi nidekei nu Alatala ka ira.

Pompakita 17:5

Ri kirena nitulisi sanga ledo nisani ntona batuana, ivei: NGATA BABEL ANU NAKALUMANA TINA NU PURA-PURA BAJINGA PONTURO NTOPOVIA MPENGAYA-NGAYA POKAINGGU NARUTO

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 22:4

Bo ira manggita lenjeNa mpuu. Bo sangaNa ratulisi ri kirera pura-pura.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.

Pompakita 7:3

Niulina, “Nepa ruru rapakageromiu tasi bo kabatana bo kayu-kayu dopame kami mombamere kire ntopangoseaka Alatala ala ira ledo rapambela kasusa-kasusa haitu.”