Pompakita 12:9 - Kaili Ledo

⁹ Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 12:9 ပူးပေါင်းရင်းမြစ်များ

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 4:1

11Naupu haitu i Yesus nikeni Nosa Gasa nu Alatala hau nantende ri karava bai ala rapesori Magau nu Seta.

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Matius 4:5

Naupu haitu i Yesus nikeni nu Magau Setamo hau ri ngata Yerusalem, ngata nagasa, bo nituuna ri vumbu Banua nu Alatala.

Matius 4:8

Naupu haitu, Magau nu Seta nanggeni i Yesus hau ri tutu nu bulu nelabi kalangana. Bo nipopakitana ka Ia pura-pura kamagaua bo poparenta naria riara dunia hitu ante mpengaya-ngaya kagayana bo kakalumanana.

Lukas 10:18

Nanguli i Yesus ka ira, “NikitaKu Magau nu Seta nanavu lako ri langi eva kila.

Lukas 13:16

Tapi ri sii, naria saito mombine, muli i Abraham, nipou nu Magau Seta sapulu valu-mpaemo kasaena. Ledo masipato ia rakabasaka lako ri kuasa nu seta ri eo penonto?”

Lukas 22:3

Tempo haitu Magau nu Seta nesua riara ntai i Yudas anu niuli Iskariot, saito lako ri sapulu randua anaguru i Yesus.

Lukas 22:31

Pade nanguli i Yesus ka i Simon Petrus, “Simon, epemo tesaKu! Magau nu Seta nipaloga nu Alatalamo mompesori komiu pura-pura nasimbayu mpo topovaro pae.

Lukas 8:12

Savua nanavu ri dala, nirapaka tona nangepe Tesa nu Alatala tapi nakava Magau nu Seta nangalasi Tesa haitu lako nte ira ala domo raparasayara bo rapakasalama.

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 16:11

Bo rapakalantoNa muni Alatala mpuu-mpuu mombahuku manusia, apa nihukuNamo Magau nu Seta anu nombakuasai manusia nadaa ri dunia hitu.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

2 Korintus 11:14

Tapi kita ledo mahera manggita pokainggura haitu, sabana Magau nu Seta mboto nombabali karona ala rasarumaka ntona ia malaeka nanggeni reme.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

2 Korintus 12:7

Tapi ledo mabelo ane malanga gaga raraku nantora pura-pura anu nipokumaaka nipopakita i Yesus ka yaku. Haitumo sabana nidekeiNa dua mompandasa yaku. Dua haitu nirapaka suro lako ri Magau nu Seta nompandasa yaku ala yaku ledo majadi masombo.

2 Korintus 2:11

Tona haitu niampungikumo ala nee sampe Magau nu Seta manggava loga mombadagi kita, sabana nisanita mamimo akalana.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Efesus 4:14

Ane ivesia kita, kita domo mpo ngana anu ledo nakaja rabagiu, atau sakaya kodi nitompesaka nu balumba bo nikeni nu poiri hau tumai. Kita domo aga rataja hau tumai mangoseaka mpengaya-ngaya pepatuduki anu ledo nakana, bo domo kaliu-liu momparasaya tesa-tesa ntopebagiu anu natau gaga nodava, dava nipoviara mboto. Patujura, mompakasalandala kita.

2 Tesalonika 2:3

Nau bara berimba ntoto kareba haitu, nee sampe komiu rabagiu ntona, sabana dopame makava eo haitu, naria rongaya kana majadi ntani ruru. Pamulana, madea mpuu tona moura pomparasayara bo mombasapu Alatala. Bo karongayana, kana meumba Topesapuaka anu ranavusaka riara narakaa bara maipia.

1 Timotius 2:14

Bo ledo i Adam nibagiu Magau nu Seta, tapi i Hawa nibagiu sampe niliunakana parenta nu Alatala. Bo siamo sampe ia nandasa noana.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Yudas 1:9

Tano i Mikhael mboto, nau ia tadulako malaeka nu Alatala, ledo nabia nanjalai Magau nu Seta. Tempo kamate i Musa, i Mikhael bo Magau nu Seta nosinjanaika isema mangala karobata i Musa. Nirasai i Mikhael ledo masipato ia manjalai Magau nu Seta. Ia aga nanguli, “Damo Tupu mombahuku iko!”

Pompakita 12:12

Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”

Pompakita 12:3

Bo neumba munimo tanda ntanina ri langi anu mpuu-mpuu nipokumaaka. Naria sangaya ule mbaso nalei, sangana ule naga. Ule naga haitu nobalengga papitu bo notandu sapulu. Pura-pura balenggana naria songgo magau.

Pompakita 12:7

Naria posieva riara suruga. Tadulako malaeka nTupu nosanga i Mikhael ante malaeka-malaekana nomporoa ia nangeva ule naga haitu. Bo ule naga haitu nitulungi malaeka-malaekana muni nangeva gi Mikhael.

Pompakita 12:8

Tapi ule naga ante malaekana nidagimo bo domo nipaloga nonturo ri suruga.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 16:14

Ira tatalu haitu nosa nu seta-seta anu novia tanda-tanda nipokumaaka. Ira hau mosinggavaka pura-pura magau ri njumangu dunia bo mompokio ira masiromu meeva ri eo mpepakaviora, haitumo tempo Alatala toNeliu KakuasaNa, mombadagi pura-pura baliNa ri dunia.

Pompakita 18:2

Nongaremo ia ante suara namangga, “Nageromo! Nageromo ngata mbaso Babel! Nompamula sii-sii ngata haitu majadi ponturo nu seta-seta, bo ponturo mpengaya-ngaya anu nadaa, bo ponturo mpengaya tonji naruto anu nipovuu mata nu manusia.

Pompakita 18:23

Domo maria reme poindo rakita riarana, bo domo raepe suara boti langgai bo boti mombine madamba-damba. Topopagoli-topopagoli lako ri ngata haitu najadi tomaoge ri dunia. Bo ante pangisani nadaa, tupu ngata haitu nombabagiu pura-pura manusia ri dunia.”

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 2:24

Tapi naria muni komiu toTiatira ledo nangoseaka pepatuduki nadaa haitu bo ledo nadota neguru anu niuli ntona ‘pangisani Magau nu Seta anu nalonto.’ Kuuli ka komiu ivei: Ledo Kutambai parenta-parenta ntanina ka komiu.

Pompakita 2:9

NisaniKu kasusa bo kapari nirasaimiu. NisaniKu komiu mpuu-mpuu napepa, tapi kakanana komiu nakalumana riara pomparasayamiu. NisaniKu komiu nisalai ntona anu nompangaku karona toYahudi tano ledo nakana. Ira aga todea nu Magau nu Seta.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 20:8

bo ia hau mombabagiu tona ri njumangu dunia, haitumo ngata-ngata bo todea-todea niuli Gog bo Magog. Magau nu Seta haitu mompasiromu tona gahaitu mangeva Alatala bo topomparasaya. Kadea ntona rapasiromu mpo bone ri bivi ntalinti, ledo rapakule mombabilana.

Pompakita 3:9

Naria tona najadi todea Magau nu Seta anu nanguli iramo toYahudi, tano mai ledo, aga davara. Tapi epemo! Ira kana Kupopantaputu ri ngayomiu. Bo raulira Yaku mpuu-mpuu nompotove komiu.

Pompakita 9:1

Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.

Pompakita 9:20

Manusia ntanina anu ledo namate riara pepandasa-pepandasa haitu, ledo ntoto najea lako ri pokainggura nadaa. Haitumo, ira ledo nadota nenonto nepatesi, bo ledo nadota nenonto nombadoti tona. Ira ledo nadota nenonto nosipogau ante tona ledo bereira mboto, bo ira ledo ntoto nadota nenonto nangangga. Ira ledo muni nenonto nombasomba seta-seta bo anu nipoviara mboto, evamo pinoito-pinoito nipoviara lako ri bulava, salaka, tambaga, vatu, bo kayu. Pinoito haitu ledo naria matana mekita bo ledo muni naria talingana meepe bo ledo nokada sampe mamala molipa.