Pompakita 12:6 - Kaili Ledo

⁶ Naupu haitu nalaimo mombine hau ri karava bai. Ri sia ia nonturo ri ponturo nipakasadia nu Alatala mamimo ka ia. Ri ponturo haitu ia nipiara talu-mpae santanga kasaena.

Pompakita 12:6 ပူးပေါင်းရင်းမြစ်များ

Matius 4:11

Naliu haitu, nalaimo Magau nu Seta lako nte i Yesus, bo nakavamo malaeka-malaeka nTupu mompatala Ia.

Pompakita 12:14

Tapi mombine haitu nidekeika randua kapi nambaso mpo kapi ntonji love ala ia mamala mevoro hau ri ponturo nipakasadia ka ia ri karava bai. Hamai ia rapiara talu-mpae santanga kasaena, bo ia ralenduti ala ledo mamala rakuyasi nu ule naga haitu.

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 13:5

Binata nadaa haitu nidekeika kuasa notesa, bo ia nangoe bo nompandaente Alatala. Nidekei muni ia noparenta bo novia dotana mboto talu-mpae santanga kasaena.

Pompakita 17:3

Naupu haitu yaku nikuasai Nosa Gasa nu Alatala bo nikeni nu malaeka haitu hau ri karava bai. Hamai nikitaku saito mombine nesavi binata nalei buluna. Ri njumangu karo nu binata haitu nitulisi tesa-tesa anu nompandaente Alatala. Binata haitu muni nobalengga papitu bo notandu sapulu.