Pompakita 12:12 - Kaili Ledo

¹² Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”

Pompakita 12:12 ပူးပေါင်းရင်းမြစ်များ

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Ibrani 10:37

Sabana riara Buku Gasa nitulisi ivei: “Domo ntoto masae, Ia anu makava haitu, makava mpuumo. Ia ledo mombasoro-soro kakavaNa haitu.

2 Petrus 3:8

Tapi, sampesuvu-sampesuvu nipotoveku, nee rakalingasimiu tesa hitu: Ri panggita nTupu, sanjobu mpae nasimbayu mpo saeo, bo saeo nasimbayu mpo sanjobu mpae.

Pompakita 10:6

Bo nojanjimo ia ante sanga nu Alatala anu natuvu sampe ri kasae-saena, anu nompajadi langi, tana bo tasi bo pura-pura isina. Nanguli malaeka haitu, “Tempona domo rakonto-konto.

Pompakita 11:10

Manggita haitu, tona nadaa nonturo ri dunia madamba mpuu. Ira mosusa madamba-damba bo mosidekeika hadia, sabana namatemo tona randua haitu anu mpuu-mpuu nompandasa toponturo ri dunia.

Pompakita 11:14

Jadi naliumo pepandasa karanduana. Epemo! Domo masae pepandasa katataluna muni kana majadi.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:6

Jadi ia nompakalanga karona mboto, bo nompakasimbayu karona nte Alatala. Ia nanjalai Alatala, bo nipandaentena muni Gadera Kamagaua nu Alatala ri suruga bo pura-pura anu nonturo hamai.

Pompakita 18:20

Bo nanguli malaeka, “Umbamo komiu toponturo ri suruga! Pakadambamo raramiu! Pakadambamo raramiu todea nu Alatala mosanggani-nggani ante suro-suroNa bo nabi-nabiNa! Sabana, tupu ngata mbaso Babel nihuku nu Alatalamo! NibalasiNamo pokainggura nadaa nte komiu.”

Pompakita 8:13

Naupu haitu nitingoaku bo nikitaku sambaa tonji love nevoro ri laerava. Niepeku love haitu notesa ante suara namangga. Niulina, “Mandasamo! Mandasamo! Mandasamo tona nadaa nonturo ri dunia tempo malaeka tatalupa mompopomoni tabuera ngena.”

Pompakita 9:12

Pepandasa pamulana naliumo, tapi epemo! Da nariapa rongaya pepandasa ntanina makava.