Pompakita 12:10 - Kaili Ledo

¹⁰ Naupu haitu niepeku suara riara suruga namangga mpuu nanguli, “Sii-sii nakavamo gantana Alatala mompakasalama todeaNa. Sii-sii nipopakitaNamo kuasaNa, nompamulamo Ia nomparenta mpo Magau. Sii-sii nakavamo Magau Topepakasalama anu nipelisi nu Alatala mompopakita kuasaNa, sabana Magau nu Seta nipopalaimo lako ri suruga, Magau nu Seta haitumo anu nompangadu todea sampomparasaya eo bongi ri ngayo nTuputa Alatala.

Pompakita 12:10 ပူးပေါင်းရင်းမြစ်များ

Matius 26:64

Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 6:10

Perapi Komiu momparenta ri dunia hitu, bo dotaMiu majadi raturusi ntona ri dunia nasimbayu eva ri suruga.

Lukas 11:2

Nanguli i Yesus ka ira, “Ane komiu mosambaya, ulimiu ivehitu: ‘Tata, aga Komiu masipato rapetupu bo rapakaoge. Komiumo Magau kami. Perapi Komiu momparenta ri dunia hitu.

Lukas 22:31

Pade nanguli i Yesus ka i Simon Petrus, “Simon, epemo tesaKu! Magau nu Seta nipaloga nu Alatalamo mompesori komiu pura-pura nasimbayu mpo topovaro pae.

2 Korintus 12:9

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 2:26

Isema-sema padagi bo mangoseaka dotaKu sampe ri kaupuna, Kudekeika kuasa nasimbayu mpo nitarimaKu lako nte TuamaKu. Kudekei kuasa ka ira momparenta manusia ri umba-umba ri dunia. Ira momparenta ante ase poboba. Bo rapakaropura balira nasimbayu mpo tona norupusaka kura tana.

Pompakita 7:10

Bo nongaremo ira ante suara namangga, “Kamaimo kita mombatoiya bo mombabila Alatala anu nonturo ri Gadera Kamagaua! Kamaimo kita mombatoiya bo mombabila Ana Bimba, sabana Iramo nompakasalama kita!”