Pompakita 11:9 - Kaili Ledo

⁹ Talu-mbongi santanga kasaena karobatara randua ledo radekei ratana ri dayo, aga rakita ntona lako ri njumangu dunia, lako ri pura-pura ngata, bo lako ri pura-pura basa ri dunia.

Pompakita 11:9 ပူးပေါင်းရင်းမြစ်များ

Matius 7:2

Apa komiu ratangara nu Alatala nangoseaka kabiasamiu mboto mombatangara tona ntanina. Posuka nipakemiu mosuka ka tona ntanina, haitu muni rapake nu Alatala mosuka ka komiu.

Pompakita 10:11

Naupu haitu yaku nitudu vaimo, “Iko kana mompasimbayu tesa lako nte Alatala anu notesaki anu majadi nte magau-magau bo todea lako ri mpengaya-ngaya ngata bo valaa, bo topotesa mpengaya-ngaya basa.”

Pompakita 11:11

Tapi nikitaku naliu talu-mbongi santanga, naria mpanjili nosara lako nte Alatala. Natuvu mpanjilimo ira bo kaliu-liu neangga ri sia. Nanggita ira natuvu mpanjilimo, naviora puramo tona nadea gahaitu.

Pompakita 13:7

Ia nipaloga muni mangeva todea nu Alatala bo mombadagi ira. Bo nidekei muni kuasa ka ia momparenta manusia ri njumangu dunia, haitumo tona ri pura-pura ngata, bo valaa, bo tona lako ri pura-pura basa ri dunia.

Pompakita 17:15

Naupu haitu nanguli vai malaeka ka yaku, “Binangga nadea nikitamu pangane napara mombine bajinga, nirapaka tona ri njumangu dunia, todea-todea lako ri umba-umba ngata, bo topobasa mpengaya-ngaya basa ri dunia.

Pompakita 5:8

Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.