Pompakita 11:8 - Kaili Ledo

⁸ Bo karobatara randua haitu matepalamba nggoo ri dala jama ri ngata mbaso, haitumo ri ngata anu nipompatesi i Yesus ri kayu salib. Ngata mbaso haitu nirapaka Sodom bo Mesir nggaulu sabana nadaa mpuu tupu ngata haitu.

Pompakita 11:8 ပူးပေါင်းရင်းမြစ်များ

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Suro-Suro 9:4

Nadunggamo ia bo niepena suara nanguli ka ia, “Saulus, Saulus! Nakuya iko nompandasa Yaku?”

Ibrani 13:12

Ivesia muni najadi ante i Yesus. Ia nikeni ri savaliku bobaa ngata Yerusalem bo nipatesi. Ia namate ala raaNa majadi pesomba posompo dosa anu nompakalali dosa ntodeaNa.

Ibrani 6:6

Tapi ane rakabasakara pomparasayara naupa pura-pura haitu nirasaira, ledo ria dala manggeni ira majea mpanjili lako ri dosara. Apa ane ivesia rapoviara, nasimbayu mpo nipakura mpanjili i Pue Yesus ri kayu salib, bo nanjalai Ia ri ngayo ntodea.

2 Petrus 2:6

Ivesia muni ante ngata Sodom bo Gomora. Alatala nombahuku tupu ngata nadaa haitu ante nompalabu ngatara. Haitu najadi pepatora ka tona ri puri anu ledo nangoseaka dota nu Alatala.

Yudas 1:7

Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 11:9

Talu-mbongi santanga kasaena karobatara randua ledo radekei ratana ri dayo, aga rakita ntona lako ri njumangu dunia, lako ri pura-pura ngata, bo lako ri pura-pura basa ri dunia.

Pompakita 14:20

Jadi vua anggur haitu nipea ri pompea vua anggur ri savaliku ngata. Bo noilimo raa lako ri pompea haitu mpo binangga kaogena, kakavao poili raa haitu talu-atu kilo kakavaona bo kandalana nitasere sametere santanga.

Pompakita 14:8

Naupu haitu naria malaeka karanduana nantuntuni malaeka paratama. Nangulimo ia, “Nageromo! Nageromo ngata mbaso Babel! Sabana, tupu ngata haitu nompakalangu tona lako ri umba-umba ngata ante uve anggurra, haitumo nikenira ira mompasiala pokainggura nadaa bo nabuga!”

Pompakita 16:19

Bo ngata mbaso nosanga ngata Babel nabingga tatalu bagia. Bo nagero sanggani pura-pura ngata mbaso ri njumangu dunia. Bo Alatala nombabalasi kadaa ntoponturo ri ngata mbaso Babel haitu. Ia nompopainu pakaupu uve anggur nu rauNa ka ira. Batuana, Ia mpuu-mpuu nompokarau ira bo ledo ntoto naria kaondo-ondoNa.

Pompakita 17:1

Naupu haitu, saito lako ri papitu malaeka anu nantipale tubu-tubu pangane nakava nte yaku bo nanguli ka yaku, “Kaimo, kupopakita ka iko pehuku rapambela ka bajinga nakuasa, haitumo ngata mbaso nibangu napara binangga nadea.

Pompakita 17:18

Bo mombine nikitamu haitu nirapaka ngata mbaso anu nomparenta magau-magau ri dunia.”

Pompakita 17:5

Ri kirena nitulisi sanga ledo nisani ntona batuana, ivei: NGATA BABEL ANU NAKALUMANA TINA NU PURA-PURA BAJINGA PONTURO NTOPOVIA MPENGAYA-NGAYA POKAINGGU NARUTO

Pompakita 18:10

Ira aga meangga meantoaka nggavao manggita unu nu apu haitu, apa naeka ira rapendai kasusa anu nombarumpa ngata mbaso haitu. Ira manguli, “Oranga! Oranga! Nandasa mpuumo tupu ngata mbaso moitu, ngata Babel anu naroso mpuu! Aga riara sajaa nipambela pehuku nu Alatala komiu!”

Pompakita 18:18

Tempo rakitara unu nu apu molumura lako ri ngata mbaso nipalabu haitu, ira mongare-ngare, “Ledo ria ngata ntanina ri dunia nasimbayu mpo ngata mbaso moitu!”

Pompakita 18:2

Nongaremo ia ante suara namangga, “Nageromo! Nageromo ngata mbaso Babel! Nompamula sii-sii ngata haitu majadi ponturo nu seta-seta, bo ponturo mpengaya-ngaya anu nadaa, bo ponturo mpengaya tonji naruto anu nipovuu mata nu manusia.

Pompakita 18:21

Naupu haitu nikitaku saito malaeka naroso mpuu nombaanggataka sangu vatu mbaso bo nitedakana hau rantasi. Bo niulina, “Ngata Babel ngata mbaso haitu rapakaropu sanggani, domo maria, nasimbayu mpo vatu hitu nitedaka rantasi domo rakava mpanjili.

Pompakita 18:24

Tupu ngata Babel kana rahuku sabana ri ngata haitumo raa nu nabi-nabi bo todea nu Alatala nipakatitira. Bo raa lako ri kamate ntona ntanina pura-pura anu nipatesi riara dunia hitu kana rapasau ka tupu ngata Babel haitu.