Pompakita 11:19 - Kaili Ledo

¹⁹ Naupu haitu natebukamo vamba Banua nu Alatala ri suruga bo riara banua haitu nikitaku Peti Pojanji nu Alatala. Tempo haitu kila damo mparea bo guru kede damo mpapedi. Najadimo lingu mbaso ante uda esi naromba mpuu.

Pompakita 11:19 ပူးပေါင်းရင်းမြစ်များ

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 12:1

Naliu haitu, neumbamo tanda ri langi anu mpuu-mpuu nipokumaaka. Naria saito mombine nopakea mata nu eo. Ia neangga ri bavo nu bula, bo ri balenggana naria songgo nipovia lako ri sapulu randua betue.

Pompakita 16:1

Naupu haitu niepeku suara namangga lako riara Banua nu Alatala ri suruga nanguli ka papitu malaeka, “Koimo, busaka isi tubu-tubu naponu ante rau rara nu Alatala tutu ri dunia.”

Pompakita 16:18

Bo noreamo kila bo guru kede damo nosinjaleva poguna, bo najadimo lingu mbaso. Lako ri pamulaname manusia nipajadi nu Alatala ri dunia sampe tempo hitu, dopa ntoto naria karimbosona lingu ivehaitu. Naroo mpuu lingu mbaso haitu.

Pompakita 16:21

Bo naria vatu-vatu esi nambaso mpuu nanavu lako ri langi nombarunju manusia. Kantamo nu vatu esi haitu nitasere nte limapulu kilo kantamona sangu. Nanggita haitu manusia nanjalai Alatala sabana nadaa mpuu pepandasa uda esi haitu.

Pompakita 19:11

Naupu haitu nikitaku suruga natebuka. Riara suruga nikitaku sangu jara bula. Topesavi jara haitu nosanga “Tona Natutu bo Nanoa.” Ia Topotangara bo Topeeva nanoa.

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”

Pompakita 4:5

Lako ri Gadera Kamagaua pangane nesuvu kila damo mparea nevanta, bo gente nu guru damo nosinjaleva poguna. Ri ngayo Gadera haitu naria muni pitu-angu sulo narega. Pitu-angu sulo haitu batuana papitu Nosa nu Alatala.

Pompakita 7:15

Haitu sampe ira neangga ri ngayo Gadera Kamagaua nu Alatala. Eo bongi ira ledo nenonto netupu bo nombasomba Alatala riara Banua nu Alatala. Bo Alatala anu nonturo ri Gadera KamagauaNa haitu nosanggani-nggani ante ira ala mombalendu ira.

Pompakita 8:5

Naupu haitu nialana tubu potunju dupa haitu bo niisina ante ruti nu apu lako ri bavo Lanta Pesomba. Bo nitedakana hau riara dunia. Nitedakanapa ruti nu apu haitu, nepogumo guru kede bo kila damo mpavende bo najadimo lingu.

Pompakita 8:7

Bo malaeka pamulana nompopomoni tabuena. Kaliu-liu nauda esi bo apu nogalo raa sampe ri tana bo naromba mpuu. Bo sabagia lako ri tatalu bagia tana naupu sanggani nikande nu apu, sampe napapu sabagia lako ri tatalu bagia kayu-kayu bo pura-pura kavoko naramata.