Pompakita 11:10 - Kaili Ledo

¹⁰ Manggita haitu, tona nadaa nonturo ri dunia madamba mpuu. Ira mosusa madamba-damba bo mosidekeika hadia, sabana namatemo tona randua haitu anu mpuu-mpuu nompandasa toponturo ri dunia.

Pompakita 11:10 ပူးပေါင်းရင်းမြစ်များ

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Yohanes 16:20

Pariaramo tesaKu hitu, komiu motumangi-mangi mpojea manggita anu majadi nte Yaku, tapi baliKu ri dunia hitu madamba-damba. Raramiu masusa tapi kasusa raramiu mabali majadi madamba.

Yohanes 7:7

apa ledo ria tona navuu matana nte komiu. Tapi Yaku nipovuu mata ntona nadaa ri dunia hitu sabana Yaku nantuenaka pokainggura nadaa.

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

1 Korintus 13:6

Tona nompotove roa ledo nadamba nanggita pokainggu nadaa tapi nadamba nanggita pokainggu nanoa.

Pompakita 12:13

Nisani nu ule nagapa ia nitedaka ri dunia, niraganamo mombine anu dako noanaka ngana langgai pangane.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

Pompakita 16:10

Naupu haitu malaeka kaalimana nombabusaka isi tubuna ri ponturo binata nadaa. Sampesanika pura-pura ngata niparenta nu binata haitu najadi nalanda mpuu. Bo pura-pura todeana nanggiki dila sabana kandasara.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.