Pompakita 10:11 - Kaili Ledo

¹¹ Naupu haitu yaku nitudu vaimo, “Iko kana mompasimbayu tesa lako nte Alatala anu notesaki anu majadi nte magau-magau bo todea lako ri mpengaya-ngaya ngata bo valaa, bo topotesa mpengaya-ngaya basa.”

Pompakita 10:11 ပူးပေါင်းရင်းမြစ်များ

Pompakita 10:10

Bo nialakumo buku kodi lako ri pale malaeka haitu, bo nikandeku sampe naupu. Ri ngangaku nirasaiku namomi mpo manisa. Tapi niomekupa, napaimo nirasaiku ri tailikoku.

Pompakita 11:1

Naupu haitu nidekei ka yaku sanggoto kayu nolenje mpo kayu poreke. Bo yaku niparenta nu Alatala ivei: “Koimo reke BanuaKu ri ngata Yerusalem bo Lanta Pesomba. Bo bila muni sakuya kadea ntona netupu riara BanuaKu haitu.

Pompakita 11:9

Talu-mbongi santanga kasaena karobatara randua ledo radekei ratana ri dayo, aga rakita ntona lako ri njumangu dunia, lako ri pura-pura ngata, bo lako ri pura-pura basa ri dunia.

Pompakita 14:6

Bo nikitaku saito malaeka ntanina nevoro ri laerava. Ia nanggeni Kareba Belo anu ledo nabali sampe ri kasae-saena ka pura-pura manusia ri dunia, haitumo ka tona ri pura-pura ngata, ri pura-pura valaa, bo lako ri pura-pura basa ri dunia.

Pompakita 17:10

Alima lako ri magau-magau haitu domo nomparenta. Saito da nomparenta bo magau kapapituna dopa nompamula nomparenta. Tapi ane ia makava, aga sampalai ia radekei momparenta.

Pompakita 17:12

Sapulu-anguna tandu nikitamu haitu nirapaka sapulu magau anu dopa nompamula nomparenta. Ira radekeika kuasa moparenta mosanggani-nggani ante binata haitu sajaa kasaena.

Pompakita 17:15

Naupu haitu nanguli vai malaeka ka yaku, “Binangga nadea nikitamu pangane napara mombine bajinga, nirapaka tona ri njumangu dunia, todea-todea lako ri umba-umba ngata, bo topobasa mpengaya-ngaya basa ri dunia.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.