Pompakita 1:12 - Kaili Ledo

¹² Nangepe haitu, neili yaku mompeintaka isema notesa ka yaku. Tempo yaku neili, nikitaku papitu kada mpoindo bulava.

Pompakita 1:12 ပူးပေါင်းရင်းမြစ်များ

Pompakita 1:13

Ri olo kada mpoindo haitu naria saito tona, lenjena mpo Ana nu Manusia. Baju nipasuaNa nandoe nakava ri kadaNa, bo bambaraNa nibeve bulava.

Pompakita 1:19

Jadi, tulisimo pura-pura anu nikitamu, nau anu najadi sii-sii, nau anu majadi bara maipia.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.

Pompakita 4:1

Naupu haitu naria vai anu nipopakita ka yaku. Nikitaku sangu vamba natebuka ri suruga. Bo niepeku suara pamulana anu notesa ka yaku pangane, kamanggana mpo moni ntabue. Nangulimo suara haitu ka yaku, “Pompene tumai! Kupopakita ka iko anu majadi maliu anu nikitamu pangane.”