Matius 9:27 - Kaili Ledo

²⁷ Tempo i Yesus nompapola polipaNa, naria randua toburo nantuntuni Ia bo nongare-ngare, “Muli Magau Daud! Poasimo kami!”

Matius 9:27 ပူးပေါင်းရင်းမြစ်များ

Matius 1:1

Iveimo sunju nu muli ntotua i Yesus Kristus, muli Magau Daud, muli i Abraham:

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 15:22

Naria saito mombine toKanaan, tona ledo toYahudi, nonturo ri bagia haitu. Ia nakava nte i Yesus bo nongare-ngare ivei: “Pue, Muli Magau Daud! Poasimo yaku hii! Anaku mombine nipesua seta sampe nandasa mpuumo ia!”

Matius 17:15

“Pue, poasimo anaku! Ia natorompate, nandasa mpuu ia. Ia nasaro nadungga ri apu atau ri uve.

Matius 20:29

Tempo i Yesus ante ana-anaguruNa nompalaisi ngata Yerikho, nadea mpuu tona nantuntuni Ia.

Matius 21:15

Tapi balengga-balengga ntopanggeni pesomba bo guru-guru agama naraumo rarara nanggita kabaraka-kabaraka nipovia i Yesus. Bo nagigimo rarara nangepe ngana-ngana ri Banua nu Alatala nongare-ngare, “Hosana! Ratoiyamo Muli Magau Daud!”

Matius 21:9

Bo todea ri kolu i Yesus ante topetuntuni ri puri nongare-ngare, “Hosana! Ratoiyamo Muli Magau Daud! Maoge belo ka Magau anu nakava niposumba nu Alatala! Ratoiyamo Alatala ri suruga!” Mazmur 118:25-26

Matius 9:28

I Yesus nesua riara banua, bo nesua munimo toburo randua haitu bo nanggaparai Ia. Nekutanamo Ia “Niparasayamiu Yaku nakuasa mompakabelo matamiu?” Nesana ira, “Iyo, Pue. Niparasaya kami.”

Markus 11:10

Perapi Tupu mompakaroso poparenta nu Magau anu nakava hitu, poparenta muli ntotuata Magau Daud. Ratoiyamo Alatala ri suruga!>> Mazmur 118:25-26

Markus 9:22

Nadea ngganimo ia nipakadungga nu seta haitu riara apu atau ri uve ala ia mamate. Ane rapakuleMiu mompakabelo duana, poasimo kami! Tulungimo kami!>>

Lukas 17:13

bo nongare, “Yesus! Poasimo kami!”

Lukas 20:41

I Yesus nompekutana ira, “Berimba sampe niuli ntona Magau Topepakasalama iamo muli Magau Daud?

Lukas 7:21

Tempo haitu i Yesus nompakabelo todea bo nompopalai seta lako ri karo ntona, bo nadea muni toburo nipakabeloNa sampe namala ira nekita mpanjili.

Yohanes 7:42

Apa riara Buku Gasa nitulisi Magau Topepakasalama meumba lako ri muli Magau Daud, bo makava lako ri ngata Betlehem ngata nipompoanaka Magau Daud.”

Roma 1:3

Kareba Belo haitu notesaki Ana nu Alatala, haitumo Tuputa Yesus Kristus. I Yesus najadi manusia apa Ia nipoanaka lako ri muli Magau Daud. KagasaNa nasimbayu nte kagasa nu Alatala sabana Ia Ana nu Alatala mami. Nisanita Ia mpuu-mpuu Ana nu Alatala sabana Alatala nompakatuvu Ia mpanjili lako ri kamateNa ante kuasa nipokumaaka.

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!