Matius 9:18 - Kaili Ledo

¹⁸ Da notesa i Yesus, nakavamo saito pakeni ri banua petupu ntoYahudi. Nantaputumo ia ri ngayo i Yesus bo nerapi tulungi ante mpuu-mpuu rara. Niulina, “Dako namate anaku mombine. Kamai, kita hau ri banuaku. Tuu paleMiu ri karona ala matuvu mpanjili ia.”

Matius 9:18 ပူးပေါင်းရင်းမြစ်များ

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Matius 15:25

Naupu sia, nakavamo mombine haitu nantaputu ri ngayo i Yesus, bo nanguli, “Pue, tulungimo yaku!”

Matius 17:14

Tempo i Yesus ante tatalu anaguruNa nanjili bo nosinggava ante todea, nakavamo saito langgai nantaputu ri ngayo i Yesus bo nanguli,

Matius 20:20

Naliu haitu berei i Zebedeus nakava nte i Yesus niporoa anana randua haitumo i Yakobus bo i Yohanes. Nantaputumo mombine haitu ri ngayo i Yesus sabana naria anu raperapina.

Matius 28:17

Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Matius 8:2

Tempo haitu nakavamo saito tona nadua oge nantaputu ri ngayo i Yesus, bo nanguli, “Pue, ane madota Komiu, Komiu nompakule mompakabelo yaku.”

Matius 8:25

Hau anaguruNa nombalike Ia bo nanguli, “Pue, tulungimo! Mamatemo kita!”

Matius 9:17

Ivesia muni ante uve anggur. Ledo ria tona nombaisi uve anggur nabaru riara kuli njae anu domo nagini. Sabana ane radika ri pomboli njae, uve anggur baruna morende bo mevoya mompakapasa pombolina haitu sampe mabubu uve anggur, bo marugi pombolina. Uve anggur nabaru kana raisi riara pomboli baruna muni. Ane ivesia mabelo puramo uve anggur bo pombolina.”

Matius 9:19

Nangepe haitu, neanggamo i Yesus hau mantuntuni tuama nu ngana haitu. Bo anaguruNa muni hau nosanggani nte Ia.

Matius 9:24

Nanguli i Yesus ka ira, “Palaimo komiu pura-pura. Ngana haitu ledo namate. Ia aga namonjo.” Nangepe tesa haitu, aga nipongirikara i Yesus.

Lukas 13:14

Tempo pakeni ri banua petupu haitu nanggita i Yesus nompakabelo tobunggu ri eo penonto, naraumo rarana. Bo niulikana todea ri sia, “Riara saminggu naria ono-eo nipakatantu ka kita mokarajaa. Kakavamo komiu rapakabelo ri eo ntanina, aga nee ri eo penonto!”

Lukas 18:18

Naria saito pakeni ntoYahudi nekutana nte i Yesus, “Guru belo, nuapa kupovia ala kukava katuvua mabelo sampe ri kasae-saena?”

Lukas 7:2

Hamai naria saito balengga ntantara nu Magau Roma bo naria muni batua nipotovena. Batua haitu nadua ntamo, damo kamatena.

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Yohanes 11:32

Nakavapa i Maria nte i Yesus, nantaputumo ia ri ngayoNa bo nanguli, “Pue, ane naria Komiu ri sii bara ipia, natantumo ledo mamate sampesuvuku.”

Suro-Suro 13:15

Naupu nibaca sanggoto lako ri Buku Atura Agama bo Buku Nabi-nabi, pakeni-pakeni ri banua petupu haitu nantudu tona hau mompekutana i Paulus nte roana, “Sampesuvu-sampesuvu, ane maria tesamiu mompakaroso pomparasaya ntodea gahitu, radekei kami loga ka komiu motesa ka kami.”

Suro-Suro 28:8

Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.