Matius 9:17 - Kaili Ledo

¹⁷ Ivesia muni ante uve anggur. Ledo ria tona nombaisi uve anggur nabaru riara kuli njae anu domo nagini. Sabana ane radika ri pomboli njae, uve anggur baruna morende bo mevoya mompakapasa pombolina haitu sampe mabubu uve anggur, bo marugi pombolina. Uve anggur nabaru kana raisi riara pomboli baruna muni. Ane ivesia mabelo puramo uve anggur bo pombolina.”

Matius 9:17 ပူးပေါင်းရင်းမြစ်များ

Matius 9:16

Nanguli munimo i Yesus, “Ledo ria tona notampala baju naranta ante kae nabaru. Sabana kae baru haitu mekonjo bo mombabitesi baju ranta sampe mantambai kabitena baju haitu.

Matius 9:18

Da notesa i Yesus, nakavamo saito pakeni ri banua petupu ntoYahudi. Nantaputumo ia ri ngayo i Yesus bo nerapi tulungi ante mpuu-mpuu rara. Niulina, “Dako namate anaku mombine. Kamai, kita hau ri banuaku. Tuu paleMiu ri karona ala matuvu mpanjili ia.”

Markus 2:22

Ivesia muni ante uve anggur. Ledo ria tona nombaisi uve anggur nabaru ri pomboli njae anu domo nagini. Sabana, uve anggur da nabaru morende bo mevoya mompakapasa pomboli njae haitu. Kaupuna uve anggur mabubu puramo. Jadi uve anggur nabaru kana raboli ri pomboli nabaru muni.>>

Lukas 5:37

Ivesia muni ante uve anggur. Ledo ria tona mombaisi uve anggur nabaru ri pomboli njae, apa uve anggur nabaru morende mompakapasa pombolina. Ane mapasa pombolina, mabubusaka sanggani uve anggur. Jadi mageromo pombolina bo marugimo uve anggur.

Lukas 5:38

Kakanana, uve anggur nabaru kana raboli ri pomboli nabaru muni.