Matius 8:4 - Kaili Ledo

⁴ Bo nanguli i Yesus ka ia, “Nee mutesa ka tona anu najadi ri karomu. Tapi koimo hau nte topanggeni pesomba bo popakitamo karomu ka ia ala rakitana nabelomo karomu. Bo dekeimo pesombamu ka Alatala, nangoseaka parenta Nabi Musa ala mompopakita ka todea iko mpuu-mpuu nabelomo.”

Matius 8:4 ပူးပေါင်းရင်းမြစ်များ

Matius 10:18

Komiu rakeni ri ngayo gubernur-gubernur bo magau-magau sabana komiu nomparasaya Yaku. Haitumo loga nabelo ka komiu motesa pomparasayamiu Yaku ka ira bo ka tona ntanina anu ledo toYahudi.

Matius 16:20

Naupu haitu, niuliNa ka anaguruNa, “Nee ratesamiu ka tona Yaku hii Magau Topepakasalama.”

Matius 17:9

Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Matius 5:17

“Nee rapekirimiu Yaku hii nakava mompakaropu Atura-atura agama nitulisi i Musa bo pepatuduki nu nabi-nabi. Yaku ledo nakava mompakaropuna tapi ala mompopakita kadupana.

Matius 6:1

“Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

Matius 9:30

Kaliu-liu nabelomo matara randua. Bo i Yesus nantagi ira ante mpuu-mpuu. NiuliNa, “Nee ntoto ratesa ka tona ntanina anu najadi nte komiu hitu.”

Markus 13:9

Komiu kana mainga-inga sabana komiu rasaka bo rakeni rapangadu ri ngayo ntopotangara. Komiu raboba riara banua-banua petupu bo rakeni rapoposintingayoka gubernur-gubernur bo magau-magau sabana komiu nomparasaya Yaku. Bo haitumo loga ka komiu motesa pomparasayamiu Yaku ka ira.

Markus 3:12

Tapi i Yesus nombatagi ira, <>

Markus 5:43

I Yesus nombatagi ira, <> Bo nituduNa ira mompakande ngana haitu.

Markus 6:11

Tapi ane maria tupu ngata ledo madota mantarima komiu ri ngatara bo ledo rapokonora mangepe pepatudukimiu, tapaimo sovu lako ri kadamiu tempo komiu mompalaisi ngata haitu, tandana Alatala mompoara ira.>>

Markus 7:36

I Yesus nombatagi tona gahaitu, nee rapatolele kajadia haitu ka tona ntanina. Tapi nggosena nitagi, nggosenamo nipatolelera.

Markus 8:30

Nangepe pesana haitu, nangulimo i Yesus, <>

Markus 9:9

Tempo ira notua lako ri bulu haitu, i Yesus nompainga ira, <>

Lukas 17:14

Pade nikanotoNamo ira bo niulikaNa, “Koimo pekiparesa karomiu nte topanggeni pesomba, nangoseaka Atura-atura agama nipapola Nabi Musa.” Nangepe haitu, hau mpuumo ira. Tempo ira da nolipa, nabelo puramo karora.

Lukas 21:13

Haitumo loga nabelo ka komiu motesa pomparasayamiu Yaku ka ira.

Lukas 4:41

NipopalaiNa muni seta lako ri tona nipesua nu seta. Seta-seta haitu nesuvu bo nongare-ngare, “Komiu Ana nu Alatala!” Tapi i Yesus nangulika seta-seta haitu, “Kalino!” Ledo nidekeiNa ira notesa, sabana nisanira Iamo Magau Topepakasalama anu nijanji nu Alatala.

Lukas 5:14

I Yesus nombatagi tona haitu, “Nee mutesa ka tona anu najadi ri karomu. Koimo hau nte topanggeni pesomba bo popakitamo karomu ka ia ala rakitana nabelomo karomu. Bo dekeimo pesombamu ka Alatala nangoseaka parenta Nabi Musa, ala mompopakita ka todea iko mpuu-mpuu nabelomo.”

Lukas 8:56

Nanggita kajadia haitu nokumaa mpuu tina tuamana. I Yesus nombatagi ira, “Nee ratesa ka tona ntanina anu najadi ri sii.”

Lukas 9:21

Naupu sia, i Yesus nombatagi ira ivei: “Nee mpuu raulimiu ka isema-sema, Yaku Magau Topepakasalama anu nijanji nu Alatala!

Yohanes 5:41

Yaku ledo mbeki ratoiya nu manusia.

Yohanes 7:18

Isema-sema nompatuduki lako ri pangisanina mboto, ia mbeki ratoiya ntona. Tapi isema-sema ledo nompekirika karona mboto tapi nompasimbuku ala topantudu ia haitu ratoiya, iamo nanoa, ledo ria tenggona.

Yohanes 8:50

Yaku ledo mbeki rabila ntona. Tapi TuamaKu madota Yaku rabila ntona bo Iamo topotangara nanoa.