Matius 8:32 - Kaili Ledo

³² Nangulimo i Yesus ka seta-seta gahaitu, “Koimo!” Jadi nesuvumo seta-seta lako ri tona randua bo nolinja nesua nte bavu. Eva nisuka, nipesua seta-seta, nangova puramo bavu haitu notingganavu lako ri tinggi bingge hau riara rano sampe namate nalodo riara nu uve.

Matius 8:32 ပူးပေါင်းရင်းမြစ်များ

Matius 8:31

Jadi seta-seta nesua nte tona randua haitu nerapi nte i Yesus, “Ane Komiu mompopalai kami lako ri tona hitu, palambakamo kami mesua nte bavu-bavu gahaitu!”

Matius 8:33

Sampanggita kajadia haitu, nangova nalaimo topojaga bavu hau riara ngata. Bo nitesara pura anu najadi nte bavura bo nte tona randua anu nipesua nu seta pangane.

Markus 5:13

Jadi i Yesus nombadekei seta-seta gahaitu hau nte bavu dea. Jadi seta-seta gahaitu nesuvu mpuumo bo nesua riara bavu dea. Bavu gahaitu nte ronjobu kadeana, nipesua nu setapa, notingganavu puramo lako ri dapala hau rarano bo nalodo puramo.

Lukas 8:33

Jadi seta-seta nesuvu mpuu lako ri tona haitu bo nolinja nesua riara nu bavu dea. Naupu sia, nangovamo bavu dea haitu notingganavu lako ri tinggi dapala hau riara rano bo nalodomo.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Pompakita 20:7

Ane maupumo sanjobu mpae, Magau nu Seta rakabasaka lako riara ntarungguna ri lovu ndala haitu,