Matius 6:34 - Kaili Ledo

³⁴ Jadi nee masesa raramiu nompekirika bara nuapa majadi maile, sabana maile maria kasusana mboto. Naganamo kasusa eo hitu rapekirita nee ratambai anu majadi maile!”

Matius 6:34 ပူးပေါင်းရင်းမြစ်များ

Matius 6:11

Dekei ka kami kandea niparaluu kami eo hitu.

Matius 6:25

“Haitu sampe Kuuli ka komiu, nee makini raramiu mompekirika katuvumiu, bara nuapa rakandemiu atau rainumiu. Nee makini mompekirika baju nuapa rapasuamiu. Apa katuvuta nopokopa pade kandea bo karota nopokopa pade pakea.

Matius 6:27

Nuapa gunana makini raramiu? Nau damo makini njuu raramiu, ledo ria saitoa komiu mompakule mantambai umurumiu, nau aga sambongi.

Lukas 10:41

Nesana i Yesus, “Heh, Marta, nikitaKu iko nabago bo nasesa raramu nompekirika mpengaya-ngaya.

Lukas 11:3

Dekei ka kami kandea niparaluu kami eo-eo.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Lukas 12:22

Pade nanguli i Yesus ka anaguruNa ivei: “Kuuli ka komiu, nee makini raramiu mompekirika katuvumiu bara nuapa rakandemiu, bara baju nuapa rapakemiu,

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.