Matius 6:31 - Kaili Ledo

³¹ Nee makini raramiu bo manguli, ‘Nuapa rakandeta, nuapa rainuta, bara pakea nuapa rapaketa?’

Matius 6:31 ပူးပေါင်းရင်းမြစ်များ

Matius 15:33

Nesana anaguruNa, “Lako ri umba rapanggavata kandea magana radekeita ka tona damo nadea eva hitu? Bo ponturo hitu muni nakalinoa.”

Matius 4:4

Tapi nesana i Yesus, “Naria nitulisi riara Buku Gasa ivei: ‘Ledo aga kandea mompakatuvu manusia. Tapi pangoseakara pura-pura tesa nisovadaka nu Alatala, haitumo nompakatuvu manusia.’”

Matius 6:25

“Haitu sampe Kuuli ka komiu, nee makini raramiu mompekirika katuvumiu, bara nuapa rakandemiu atau rainumiu. Nee makini mompekirika baju nuapa rapasuamiu. Apa katuvuta nopokopa pade kandea bo karota nopokopa pade pakea.

Matius 6:27

Nuapa gunana makini raramiu? Nau damo makini njuu raramiu, ledo ria saitoa komiu mompakule mantambai umurumiu, nau aga sambongi.

Lukas 10:41

Nesana i Yesus, “Heh, Marta, nikitaKu iko nabago bo nasesa raramu nompekirika mpengaya-ngaya.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Lukas 12:22

Pade nanguli i Yesus ka anaguruNa ivei: “Kuuli ka komiu, nee makini raramiu mompekirika katuvumiu bara nuapa rakandemiu, bara baju nuapa rapakemiu,

Lukas 12:29

Jadi nee maingu bo makini raramiu mompekirika nuapa rakandemiu bara nuapa rainumiu!

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.