Matius 6:25 - Kaili Ledo

²⁵ “Haitu sampe Kuuli ka komiu, nee makini raramiu mompekirika katuvumiu, bara nuapa rakandemiu atau rainumiu. Nee makini mompekirika baju nuapa rapasuamiu. Apa katuvuta nopokopa pade kandea bo karota nopokopa pade pakea.

Matius 6:25 ပူးပေါင်းရင်းမြစ်များ

Matius 10:19

Ane komiu rakeni ri ngayora, nee makini raramiu mompekirika nuapa raulimiu bara berimba komiu mesana ka ira. Apa ri tempo haitu radekei ka komiu tesa-tesa masipato raulimiu ka ira.

Matius 13:22

Savua nanavu ranggarui nirapaka tona nangepe Tesa nu Alatala bo niparasayara. Tapi ira aga nasesa nompekirika katuvura mboto riara dunia hitu, bo ira aga naino ka doi. Haitu pura-pura nangupi Tesa nu Alatala sampe ledo ria aselena riara nggatuvura.

Matius 6:31

Nee makini raramiu bo manguli, ‘Nuapa rakandeta, nuapa rainuta, bara pakea nuapa rapaketa?’

Matius 6:34

Jadi nee masesa raramiu nompekirika bara nuapa majadi maile, sabana maile maria kasusana mboto. Naganamo kasusa eo hitu rapekirita nee ratambai anu majadi maile!”

Markus 13:11

Ane komiu rasaka bo rakeni ratangara, nee makini raramiu mompekirika anu raulimiu. Ane makavamo gantana motesa, ulimo anu radekei ka komiu raulimiu. Sabana tesa-tesa raulimiu haitu ledo mopuna lako nte komiu mboto, tapi lako ri Nosa Gasa nu Alatala.

Markus 4:19

tapi nabago gaga rarana nompekirika katuvura mboto. Ira aga naino ka doi bo nadidi ka mbara-mbara mpengaya-ngaya ri dunia. Haitu pura-pura nangupi Tesa nu Alatala sampe ledo ria aselena riara nggatuvura.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Lukas 8:14

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

1 Korintus 7:32

Anu nipodotaku ala komiu matuvu ledo masesa rara. Tona dopa noberei namala mompakasangu pekirina ka pokarajaa i Pue. Nipekirikana berimba ia mamala mompakadamba rara i Pue.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

2 Timotius 2:4

Apa tantara nabelo ledo notingguka bago ntanina tempo ia nombatui bagona niparasayaka ia. Apa ia madota mompakadamba rara nu tadulakona.

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.