Matius 6:13 - Kaili Ledo

¹³ Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Matius 6:13 ပူးပေါင်းရင်းမြစ်များ

Matius 26:41

Komiu kana mainga pura bo mosambaya ala komiu ledo mambela pesori! Komiu madota movia anu mabelo, tapi ledo nipakulemiu sabana komiu manusia nalente.”

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 5:37

Tapi ane patujumiu iyo, ulimo iyo, bo ane patujumiu ledo, ulimo ledo. Ledo nabelo mompakaroso tesa ante mosumpa sabana pokainggu eva haitu nopuna lako ri Magau nu Seta.”

Matius 6:10

Perapi Komiu momparenta ri dunia hitu, bo dotaMiu majadi raturusi ntona ri dunia nasimbayu eva ri suruga.

Yohanes 17:15

Ledo Kuperapi Komiu mangala ira lako ri dunia hitu. Tapi Kuperapi ala Komiu mojagai ira lako ri Magau nu Seta.

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

1 Korintus 14:16

Rapana kita manguli tarima kasi ka Alatala ante mompake basa nopuna lako ri Nosa Gasa. Ane maria tona ntanina mangepena, berimbamo ia manguli “Amin! Nakana tu!” ane ledo nisanina batuana tesata?

2 Korintus 1:20

Apa pura-pura pojanji nu Alatala nipakadupa riara nggatuvu i Kristus. Haitu sampe kita anu nosangu rara ante i Kristus namala nanguli, “Amin! Nakana mpuu pojanji-pojanji nu Alatala!” Bo haitu najadi ala Alatala rabila bo ratoiya.

Galatia 1:4

I Yesus nombadekei karoNa rapatesi mombasompo dosata nangoseaka dota nTuamata Alatala. PatujuNa ala Ia mamala mombakabasaka kita lako ri kuasa nu dunia nadaa.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

2 Tesalonika 3:3

Petulungi i Pue Yesus ledo maupu-upu! Ia bate-batena mompakaroso raramiu bo mombajagai komiu lako ri kuasa Magau Seta.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

Ibrani 11:36

Naria muni tona nipongei-ngeika bo nicambu pakandasa, bo naria tona nibalanggu bo nisuaraka riara ntarunggu.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

2 Petrus 2:9

Jadi lako ri tesa pangane, nisanita Alatala nompakule mompakasalama topangoseaka dotaNa tempo ira manggava pesori. Bo nipakuleNa muni mombatavani tona nadaa sampe ira rahuku ri Eo Potangara.

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 19:1

Naupu haitu yaku i Yohanes, nangepe moni mpo suara ntona dea novoo nongare-ngare ri suruga. Niulira, “Haleluya! Ratoiyamo Alatala! Sabana Iamo nompakasalama kita. Iamo Alatala anu naoge bo nakuasa!

Pompakita 19:4

Bo ropulu bo ampa totua bo ampa Anu Natuvu haitu nantaputu nombasomba Alatala anu nonturo ri Gadera KamagauaNa. Niulira, “Amin! Ratoiyamo Alatala!”

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 21:4

Ia mbotomo mombapaisi pura-pura uve mata lako ri matara. Domo maria tona mamate, domo maria tona masusa rarara bara motumangi, bo domo maria tona madua. Sabana, dunia nokolu domo naria.”

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 3:14

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Laodikia ivei: “Hitumo tesa lako nte Yaku anu nipoposanga ‘Amin’, haitumo sabi natutu notesa anu nakana. Yakumo Tupu nu pura-pura anu nipajadi nu Alatala.

Pompakita 5:13

Pade niepeku munimo suara nu pura-pura anu natuvu ri suruga, ri tana, ri tambe ntana, rantasi, bo pura-pura anu natuvu nodade ivei: “Toponturo ri Gadera Kamagaua bo Ana Bimba haitu masipato ratoiya bo rabila bo rapakaoge, bo kuasaRa masipato ratesata sampe ri kasae-saena.”