Matius 5:48 - Kaili Ledo

⁴⁸ Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 5:48 ပူးပေါင်းရင်းမြစ်များ

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Matius 5:45

Ane komiu mokainggu ivehaitu, komiu majadi ana-ana nu Alatala, Tuamamiu ri suruga. Apa nipotoveNa pura-pura tona bo nipopebondaNa mata nu eo ka tona nadaa bo ka tona nabelo. Bo nidekeiNa uda ka tona nanoa bo ka tona natenggo muni.

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Lukas 6:36

Komiu muni kana mepotove nasimbayu eva pepotove nu Alatala, Tuamamiu.”

Lukas 6:40

Ledo ria ngana sikola naogepa pade guruna. Tapi ane matamamo posikolana, masimbayumo ia nte guruna.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

2 Korintus 13:9

Nadamba mpuu rara kami ane kami nalente, asaa komiu maroso momparasaya. Jadi kami bate-batena mosambaya ala pokainggumiu majadi mabelo pura.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Yakobus 1:4

Bo ane komiu bate-batena momparasaya sampe ri kaupuna, pomparasayamiu mpuu-mpuu majadi maroso bo ledo makura nuapa-nuapa.

1 Yohanes 3:3

Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.