Matius 5:47 - Kaili Ledo

⁴⁷ Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Matius 5:47 ပူးပေါင်းရင်းမြစ်များ

Matius 10:12

Tempo komiu mesua riara banua ntona, ulika tupu banua, ‘Perapi Alatala mombadekei belo ka komiu!’

Matius 5:20

Pariaramo tesaKu hitu! Komiu kana matutupa nangoseaka dota nTupu pade guru-guru agama bo toFarisi. Ane ledo, komiu ledo ntoto mamala majadi todea riara Poparenta nu Alatala.”

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Lukas 6:32

Ane komiu mompotove tona anu nompotove komiu, nee rasarumakamiu Alatala mombatoiya komiu. Nau tona nadosa nipotovera muni tona anu nompotove ira.

Kolose 4:14

Tabe muni lako nte Dokutoro Lukas anu nipotoveta, bo lako nte i Demas.

Kolose 4:15

Pakavote tabe kami ka topomparasaya ri ngata Laodikia, bo ka i Nimfa bo todea topomparasaya anu nasiromu nosambaya ri banuana.

1 Petrus 2:20

Ane komiu raboba sabana komiu nasala, bo ane komiu mosabara riara kasusa haitu, ledo masipato komiu ratoiya nu Alatala! Tapi ane komiu rapandasa sabana pokainggumiu nabelo, bo ane komiu mosabara riara kasusa haitu, komiu mpuu-mpuu ratoiya nu Alatala.