Matius 5:46 - Kaili Ledo

⁴⁶ Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Matius 5:46 ပူးပေါင်းရင်းမြစ်များ

Matius 11:19

Yaku, Ana nu Manusia nakava nangande bo nanginu uve anggur eva tona biasa, tapi niuli ntona, ‘Peintamo tona haitu! Nadoko, nalangu, vega ntopesingara balasitee bo vega ntodosa!’ Tapi nau ivesia, nisanita kanoto nia nu Alatala sabana aselena nikita ri pokainggu ntopangoseaka Ia.”

Matius 18:17

Ane ia ledo madota mantarima tesara, popaisanimo ka todea topomparasaya. Bo ane ledo madota ia mantarima tesa belo lako nte todea haitu, ia kana rarekemiu nasimbayu eva tona ledo nosisani ante Alatala bo eva topesingara balasitee nadaa.

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Matius 6:1

“Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

Markus 2:15

Naliu haitu, haumo i Yesus nangande ri banua i Lewi nosanggani-nggani ante anaguruNa. Nadea topesingara balasitee bo tona niuli ntona nadea dosara nangande nosanggani-nggani ante ira, apa nadeamo tona ivehaitu nantuntuni i Yesus.

Markus 2:16

Tempo guru-guru agama anu nangoseaka pepatuduki ntoFarisi nanggita i Yesus nangande nosanggani-nggani ante topesingara balasitee bo tona nadosa, niulikara anaguru i Yesus, <>

Lukas 15:1

Naria sanggani nadea topesingara balasitee ante tona ntanina, anu niuli ntodea nadaa pokainggura, nakava nangepe tesa i Yesus.

Lukas 18:13

Tapi topesingara balasitee haitu neangga nakavao nosambaya. Ledo nabia ia nantingoa ri langi. Ia nanjoso rara bo nosapa-sapa bambarana bo nanguli, ‘Alatala, poasimo yaku, apa yaku tona nadosa.’ ”

Lukas 19:2

Ri ngata haitu naria saito pakeni ntopesingara balasitee, nosanga i Zakheus. Nasugi mpuu ia.

Lukas 19:7

Tapi pura-pura tona nanggita i Yesus hau ri banua i Zakheus, nongua-ngua. “Hm, ledo nabelo i Yesus nesai ri banua ntodosa!”

Lukas 3:12

Naria muni topesingara balasitee nakava mekidiu nte i Yohanes bo nekutana, “Guru, nuapa masipato rapovia kami?”

Lukas 5:29

Naupu sia, i Lewi novia posusa ka i Yesus ri banuana. Nadea topesingara balasitee ante tona ntanina nangande nosanggani-nggani nte ira ri posusa haitu.

Lukas 5:30

Naria bara sako-ndua toFarisi ante guru agamara. Ledo nadamba rarara nanggita i Yesus hau ri posusa. Niulikara topangoseaka i Yesus, “Nakuya komiu nangande bo nanginu nosanggani-nggani ante topesingara balasitee bo tona nadosa?”

Lukas 7:29

Tempo todea bo topesingara balasitee nangepe i Yesus notesaki i Yohanes, nipokonoramo nia nu Alatala bo ira madota radiu i Yohanes, tandana ira najea lako ri dosara.

Lukas 7:34

Yaku, Ana nu Manusia nakava nangande bo nanginu mpo tona biasa, bo niulimiu ivei: ‘Peintamo tona haitu! Nadoko, nalangu, vega ntopesingara balasitee bo vega ntodosa!’